小娜執媽的部落格

記得以前讀書好多假﹐間唔中都會去下小旅行﹐有時會去Vegas﹐三藩市都係我地成日去o既地方!唔知有一年o既紀 念日﹐我地去左沙漠慶祝!!哈哈~PALM SPRING-->一個比Vegas仲要沙漠o既地方!!好熱又好乾﹐除左響室內shopping都唔知做咩好!!我地唔係好Shopping o既人﹐所以終日留響酒店!(應該係旅館)

呢間野係響網上無啦啦搵到o既﹐全間野只得四間房﹐係日式o既小旅館!!後來先知原來係一個美國伯伯同佢個日本老婆退 休之後開o既!! 係一間完全唔新但係都算乾淨o既一間旅館﹐包一個日式早餐﹐好似唔駛一百蚊美金一晚﹐裡面仲有泳池﹐不過我地無游! 都係一間幾得意o既Motel﹐同平時成日住o既酒店好唔同﹐個owner都幾friendly﹐唔錯又大膽o既新嘗試!!

Palm spring係一個住左九成退休老人o既城市﹐所以比人一個好休閒o既感覺!!我地夜晚無野做去左戲院睇戲﹐結果成場只得四個人(連埋我地)~~哈~包場o甘滯!!可能老人家早o訓唔睇戲卦!!

沿途的風車路

Lazy butt

睇下部電視就知有幾舊

外觀

日式早餐

坐覽車上山頂﹐由地面o既華氏100度降到70度