小娜執媽的部落格

一歲生日，又點少得個得意蛋糕呢

家中少少佈置

辛苦爸爸當日企足全日做我地大廚!!

爸爸好錫Kori架，因為Kori成日電到佢暈!!

Happy Birthday ~~ Our sweetheart!!!

玩具多到成個Toy R Us o甘!!多謝哂各位叔叔姨姨姐姐o既禮物

Kori 快一歲啦!為左唔大細超，我地響屋企舉行左一個小型party，請左朋友仔同埋佢地o既小朋友黎BBQ!!

原來我個女已經一 歲啦，真係好快!! 可能係湊兩個小朋友太忙o既關係，我對Kori o既成長日程比當年Natto o既懞糊，Kori有d成長里程碑都唔覺唔覺發生左!!哈哈!!佢而家雖然仲未識行，但已經可以扶住物件行來行去!! 性格比哥哥開朗，但亦好有脾氣，自我中心好強，好多時都係"I want what I want and Iwant it now o既性格!!相信會比Natto難教，但聰明醒目又識睇人眉頭眼額，好識tum人!有時會走埋黎，無啦啦攬住你錫你一啖!!!我對佢係又愛又恨o既!!! 食野亦叻過哥哥，雖然未至於為食，但起碼食得快過哥哥，暫時都無咩唔鍾意食!!

我地同佢開生日會，佢好happy呀!!一大班人圍住佢唱生日歌，佢不知幾開心，一個enjoy樣，好似知道佢今日係主角o甘!!

一歲啦!!!希望你聽聽話話，健健康康，做個開心人就夠架啦!! 爸爸媽媽永遠都會守護你同哥哥~~