小娜執媽的部落格

媽媽明明扮到你靚靚，你個樣可唔可以可愛DD呢?

女仔呢，真係好多靚衫靚裙仔

幾得戚

六個月開始坐哥哥既學行車，而家已經行動自如啦!!

一笑哩，Lum哂，咩曳都唔記得啦

第一套泳衣

我家的他媽哥池

呢兩日唔駛返工既時候，我刻意日頭唔上甘多網，淨係湊仔同做下少少家務!我發覺原來唔上甘多網，生活會變得優閒好多，特別你有小朋友既話，同佢地玩下，沖下涼，餵奶餵糊等等其實已經可以occupied 你一整天既時間!! 不過網絡世界實在太多野睇(淨係網上Shopping就夠我睇半日啦，有時一上開就唔捨得離手!!! 上得網多變 相少左時間陪小朋友，所以真係要自我刻制一下!! 寫blog其實都用左我一部份時間，可能我打字慢，加上又要執相，upload相，寫一寫起碼個幾鐘!! 對於被一個痴身到不得了既Kori纏住，個幾鐘其實好多架啦!但我又唔捨得唔寫，因為我知道我唔寫實會唔記得!! 雖然唔知寫左有無人會睇，我唔係d明星blogger，無粉絲，所以唔寫都無人會失望!! 但係起碼我知道將來自己睇返一定會好開心，好好笑! 為左留返d美好回憶比自己，比佢地，我希望自己可以堅持，繼續寫落去!!

離哂題啦，其實我想講Kori 4-7個月!!

我個女同我個仔係兩截然不同既人，兩種性格!! 如果我話Natto係一個好乖既小朋友，甘Kori一定係個曳豬!!! Kori比Natto外向得多，而且好多野講，仲好硬頸好有性格tim!!

活 動能力方面: 五個多月時已經識得坐，未夠7個月就已經識爬，雖然仲未係爬得好叻，但係教佢爬一兩次佢已經上手!! 而家更加可以坐坐下，自己向前著地然後變爬! 試過一次放佢響BB床，佢唔鍾意，想人抱，跟手自己扶實床邊跪左響度!! 佢活動能力明顯比Natto 高，學野又好快上手~~同哥哥一樣好鍾意企，扶住兩隻手仔可以橕自己企起身!!

性格方面: 比較活潑，但係好硬頸!!佢唔鍾意既野，你一定迫佢唔到!!例如佢唔想食奶，你點樣都迫唔到佢，佢會咪實個咀，插針都插唔入!! 但係又好得人鍾意，成日笑，好鍾意人同佢玩!! 八卦妹一名，一有少少聲就周圍望，好容易分心! 痴身膏葯，行開一步都喊，而且好長氣!我試過由得佢喊，佢可以喊兩個鐘都唔收聲!!!呢個令我好頭痛~~~

體重15磅(25%，退步左!) 身高23吋半(50%) !! 可能佢比較細食，而家基本上三餐人奶，其餘食奶粉!!!每次大概5-6安，每4-5個鐘一次!!  唔知點解我兩個仔女都係
細食，唔會肥架!! 不過好彩都算健康，上次Natto發高燒出疹都惹唔到佢!! 5個月開始試食米糊，最近食緊生果baby food，樣樣都興趣不大，從來唔會同我搶食!! 有酸味既野就麻麻地鍾意食，例如蘋果蓉佢都唔多like!!食兩啖就同我咪咀!!!

說話方面:都係EE RR，成日BU口水，呀BU呀BU，嘟到個咀鬼成甘長，成隻他媽哥池甘!!!

睡覺方面: 唔太鍾意訓晏覺，好容易醒!!夜晚要靠奶咀先可以安睡，一醒左唔見人就喊，比返個奶咀佢就會訓返!! 比起以前一覺訓天光聲都唔聲差好遠!!!

甘又7個月啦!!! 好快佢就由BB變小童啦，唔捨得但都要捨得!!做父母無論孩子幾多歲都好，要學會懂得放手!!