小娜執媽的部落格

去年今日仲係一歲既KORI!!(仲係得兩條毛仔)

其實Kori好女仔，會叫我幫佢化妝，叫EE同佢搽指甲油，又鍾意咩手袋!!

由細到大都唔生頭髮，想幫佢紮頭都唔得!

Pumpkin Patch

佢話唔要去halloween parade wor......

著裙既機會唔多，因為著左都唔似女仔!!

Love her smile~~~

復活啦!!!復活啦!! 幾經辛苦先搬哂個YAHOO BLOG，然後再的起心肝寫返BLOG!!! 好多BLOG友仔都話唔駛逐篇BLOG搬，但我聽某D YAHOO BLOG USER講話自動搬家個度好
煩，又將D相掉亂哂!!唔好煩啦，我都係自己搬，電腦唔叻嘛!!加上搬BLOG後D留言會無哂架，我想睇返大家既留言，有D唔捨得，唔知仲會KEEP到幾多BLOG友仔，話哂都寫左甘多年!

各位舊BLOG友仔，可唔可以留個言話我知你地黎過呀?寫返你地個BLOG名，等我知道你地仲有黎探我地啦!! 隱形BLOG友仔都係，SAY 個HELLO都好啦!

第一篇復活BLOG當然要寫D 緊要野!!! 我家二小姐Kori今日兩歲啦!!!!! 嘩!!!時光飛逝，甘又兩年啦!! Kori真係大個左好多，唔再係BB啦!!

不如講下呢一年既改變啦!!!

由於奶奶身體唔太好，所以Kori 一歲鬆d就已經返day care 啦!! 可能day care 多小朋友陪佢玩，好快就學識講野!!而家已經完全可以講到一句完整句子，佢想表達既野基本上都難唔到佢，有時仲會學哥哥是非tim!! 女仔講野真係快d，Natto 當年仲係講緊一兩粒字，kori 一黎就bilibala，好似佢爸爸甘多野講!!!

食飯都係麻麻地，但響daycare就食得好d，可能有其他小朋友一齊食，佢比較自覺食野!!響屋企就蝦我地，又要呢d又要個d，食兩啖又玩下!! 激死我!!!唯一就係最鍾意飲湯，咩湯都鍾意，而且可以一次過自己飲兩大碗!!!  我無太迫佢食野啦，可能經歷過Natto 既痛苦日子，只要佢健康就算啦，肥唔肥都唔緊要!! 其實佢食野係好過哥哥，佢想食時，自動波食好多架，不過真係好睇心情，但係佢無好似Natto 甘含飯我已經好開心!

呢個女唔知係獨立定野蠻(應該都係野蠻多架啦)，好多事情佢都要話事，要自己做，丁點都唔比人幫佢!! 例如食飯甘，佢絕少比我地餵佢(當然佢食得慢，唔好時我先會出手) 佢唔比我地餵佢架，一定要自己"不"，就算"不"唔到都唔比我地幫!! 平時坐車上carseat又一定要自己爬上去，我地抱佢，佢就會發脾四再落返carseat自己再上過!!  佢條頸硬過石頭架，佢唔做既野你絕對迫佢唔到!!呢個亦都令我地好頭痛!!

不過佢表面雖然好強，但係又好o爹人又痴身!!你鬧完佢仲要你tum返佢先收聲!平時又失驚無神過黎攬下你錫下你，爸爸比佢電暈，無哂佢附，連佢自己都認自己係"寵"個女!!

雖然硬頸又有公主病，但over all都唔算曳，係煩d囉!!!(好似佢爸爸甘)

今年佢生日前個禮拜病左，所以生日會要等完全好返先可以開啦!!

其實我都無咩望啦，只要佢開開心心健健康康就得啦!!!

Happy Birthday Sweetheart ~~ We love you^V