小娜執媽的部落格

第一天上學的情況

最愛Sand box但我最憎，因為成日帶一大堆沙返屋企!

第一個Halloween parade

第一次聖誕獻唱，全程呆苦木雞!!哈哈~

我的過期blog真係OUT都不得了!!!救命呀!!!我都唔知寫咩好啦!!! 太多野想記，但太少時間!!!

OUT都要講，因為係重要野!!! 講返咸豐年前，當時Natto正正過左兩歲生日，佢既返學生涯就開始了!!! 其實兩歲人仔真係好細，本來唔想甘早送佢返學，但係基於佢性格比較怕羞又細膽，咩都驚一餐，所以我地決定比佢早D適應群體生活，希望佢可以大膽DD!!

悶蛋國呢邊無香港甘大壓力，由細同人爭到大，搵學校唔駛通宵排隊拎申請表，唔駛爸爸媽媽都要去interview!!呢邊只要學校有位，小朋友鍾意學校環境就可以入學!!
當 然好學校通常多人讀，所以有waiting list，收費亦唔平!! 悶蛋國雖然福利好，但對於我地呢d中產家庭黎講，完全受惠唔到!!! 不過好彩佢地由幼稚園開始就會有免費教育，一直讀到中學都唔駛錢，所以都係肉痛呢一兩年學前班!! 但係好多正或學前班(pre-school)都要求小朋友要介哂片同埋超過兩歲半先可以入讀，所以我地心儀既學校仲未入得，於是我地幫佢搵左一間可以幫佢 介埋片既學校，雖然呢間唔係我地理想學校，不過讀住先啦!! 開頭梗係喊到九彩，不過大概兩個禮拜就完全適應學校生活唔再喊啦!!

學校亦會因應唔同節日攪唔同既活動，所以都叫做比佢見識下!! 小朋友喜歡模枋，見到同學仔去廁所peepee，自自然然跟住做!!唔駛一個月Natto已經成功介左片，比起我地教佢有效率一百倍!!

有 時候見到/聽到香港有d朋友仔好刻意要小朋友用英文對答生活總係覺得唔知點甘，明明生活響一個講中文既地方，但偏偏要識英文多過中文!!好明白識多種語言 係好，不過唔需要太刻意!! 童年好短暫，學多學少其實都唔太重要，快樂最緊要!!  正如我地呢邊一定唔驚小朋友唔識英文，反而擔心佢地唔識中文多d，但我地都無刻意一定要佢學中文，但求佢識講識聽就算啦!!佢生活響一個講英文既地方，你 強迫佢每日學生字，睇中文書有咩用!返到學校同同學咪又係講英文，日常生活又要講英文，活學活用，唔用就會忘記(好似早年學既日文，通通比返老師)所以迫 都迫唔黎，自然學習，如果佢大個有興趣學中文，我一定教佢!!!

我好興幸自己可以選擇一個比較少生活壓力既地方比佢地生活，起碼童年可以輕鬆點，因為我仍然記得細個成日因為做唔哂功課而喊，好驚默書等等!! 人大左，Long term memory總係比short term既好!! !  希望佢地既童年記憶都係快樂既!