小娜執媽的部落格

o禽日同Natto視象，佢指住個Mon，用一個疑惑o既眼光望住我地，好似有點想喊，又好似有D嬲嬲地! 唉。。。。睇到我地好難過呀! 我相信佢o甘細個應該唔會覺得係爸爸
媽媽掉低佢唔理，不過我真係好掛住佢!! Natto爸都好失落，大家雖然見到個仔，但係心裡都係酸流流! 之後我問佢下次如果屋企人話要湊natto/kori 幾個月得唔得
? 佢話唔得! 我o既答案都一樣係:唔得!!!

或者從未分離過就唔知道分離o既不捨!!有d野大家可能太過take it for granted! 有o既時候唔珍惜，總係覺得身邊擁有o既野永遠都會響自己身邊，或者覺得有好過無!!原來失去o既時候自己接受唔到!

講到有d離哂題，不過我想講無論係情侶，朋友，屋企人，仔女或者係兩夫妻都係一樣，要珍惜眼前人!

當你覺得你另一半好煩，又唔夠細心又唔浪漫時﹔當你覺得你爸爸媽媽日鵝夜鵝好鬼煩時﹔當你覺得每日要湊仔湊女餵奶餵飯換片陪讀書陪學野好辛苦時，大家唸下如果聽日就係世界末日，我地仲可以對住佢地幾耐呢?

珍惜，知足常樂!

唸深一層，其實自己已經好幸福架啦!