小娜執媽的部落格

有時我覺得佢有D似男仔

咪眼時又似女仔

我最鍾意佢個咀仔個珠珠

Natto San.........I miss you~~

First check up,又係呢個姑娘仔幫Kori量頭

就快十二磅 o既西蘭花

帶返個花花似返個女仔

HAPPY 2 MONTH, my Sweetheart Kori~~

話o甘快Kori兩個半月啦! 係時候寫寫佢o既生長情況!


其實Kori除左頭一個月比較扭計之外，而且開始越來越乖，同Natto以前一樣o甘好湊!!

食奶方面:全人奶為主，而家日頭2-4個鐘一次，每次都十分鐘內攪/掂，有時真係唔知佢食得飽唔飽，不過大小便都ok，所以我都唔擔心! 響個半到兩個月期間，Kori已
經自動介左夜晚啦!!Yeah!!!! 最犀利一次由晚上十一點食完最後一餐，o訓到第二朝九點，仲要係我叫醒佢先食!! 我而家夜晚真係訓得好好，完全唔似要湊初生BB!!
間唔中我都會比下奶粉佢食下，等佢習慣下唔駛第日介媽媽奶時好似Natto個時o甘慘情! 佢初初都抗拒奶粉架，不過慢慢餵佢都可以食到三至五安!

唔知點解今次總係覺得無上一胎o甘多奶，脹奶係有，但係好似硬係覺得唔係好夠! 但我都係埋身餵最多，Kori又無喊食，所以我都少理，只係我d冰奶存貨唔多!

活動能力方面: 識得兩頭擰，眼仔會跟住物件望! 頭仔亦開始有力，抱起佢都可以自己hold住頭仔好耐! Tummy time時亦可以自己抬起頭幾十秒! 腳仔又會橕下橕下，
不過就無natto以前o甘好力，細細個就有力企! 最近開始成日望住自己個拳頭仔研究，好攪笑!

身高體重:兩個月打針時差多不十二磅，生長線75%，比同齡既natto重少少!都幾好肉地，大比一節節，係natto從來係試過既!身高就同natto當年一樣都係廿三吋半，都係生長線75%!

性格方面: 係一個開心果!!! 醒o既時候，好鍾意同人講野，只要你一同佢講野佢98%都會笑! 有時又會咪哂眼同係un咕，好得意架! 不過脾氣一樣都唔野少，有時佢扭抱
無人理佢就會大聲喊，個種喊聲係好似投訢你做咩唔理佢! 佢唔鍾意食奶粉又會用力橕對腳仔表示不滿，係一個有性格既小妹妹!!

至於我，自從natto返香港後我就好嘆啦!因為妹妹介左夜奶，我基本上食得訓得! 應該話係好很食得!! 我而家既食量係以前o既倍半，嚇死人，仲大食過我老公!不過
我無刻意減，因為仲餵緊人奶! 但坐月時既超級想食甜品o既習慣而家慢慢介緊!體重都只係比未陀Kori時重7磅! 我唸住過左一百日後開始積極修身，因為我地今個夏
天plan左去泰國旅行，希望到時條腰可以曬下太陽!!