小娜執媽的部落格

悶蛋國的Pre-school,其實等於香港學前班+幼兒園! 一般歲幾兩歲時可以開始考慮入讀! 我地呢邊無香港o甘多Playgroup, 亦唔需要通頂排隊拎幼稚園o既入學申請表! 悶蛋國教育方針著重發掘小朋友o既興趣,再引導佢學習新事物+知識! 香港就緊張少少,咩都要講贏在起步先,所以小朋友好細個就要學好多野!!爸爸媽媽會買好多教材比BB學! (咩 Baby can read o個D)我唔知早D學習係咪真係會令個小朋友變成資優兒童,我淨係知佢打後仲有十幾廿年書要讀,唔需要急於一時!! 童年係應該無憂無慮,快快樂樂, 我唔想比D功課,學習班佔據左Natto o既童年!!

不過好o既幼稚園對小朋友o既初期成長+學習發展亦非常重要,所以選擇幼稚園時我 地都會好小心!我地有朋友試過去接女放學時, 發覺呀女響度睇緊無線!!嘩~呢D幼稚園就唔多好啦,我點解要比錢個小朋友出去睇無線?響屋企睇咪得囉!!因此好o既幼稚園都比較難入,要排隊等位!! 我老公公司o既滴滴尼Day care + Pre-school出左名要排好耐先有位,因為佢地師資好,環境各方面都唔錯,而且只接受員工小朋友,所以起碼要等一年或以上先排到位入,所以早在 Natto響我個肚度五個月時我地已經sign up定!! 早兩日Pre-school call我地,話有位比Natto啦,叫我地去參觀下校舍!

佢 地由Day care 到Pre-school, 細至六個禮拜o既BB到五歲入小學之前都有班!! 六個禮拜到兩歲主要都係托兒為主! 三個BB對一個老師!!! 而大D到兩歲就係六個小朋友對一個老師!! 佢地著重透過遊戲發掘小朋友o既興趣,應該無咩功課,主張一路玩一路學!! 返學時間可以早到早上7點,放學又可以7點先接返佢地,主要係方便員工可以放工先接仔!!
價錢方面,原本我都以為有員工價,點知都要成千蚊美金一個月,如果兩歲樓下個D仲
要 千二蚊一個月tim!!!真係好甘!!! 我地打算兩歲先比Natto入Pre-school, 一來唔駛o甘重皮,二來我想對多佢一陣先!所以今次會拒絕入學先,不過就要重新排過隊,大概又要起碼一年多時間!!唔緊要啦,Natto而家先半歲,我真 係唔捨得佢o甘早返學,成日見佢唔到!!

本應想影下個校舍,但由於為左小朋友privacy關係,唔比影相!! 學來門口亦有食蕉看守,非常安全!!

我地覺得呢間學校都唔錯,極有可能會比Natto讀呢間,如果到時排到佢o既話!!