8szekPYZEVKqKbdul9xZ.A

送機時我強忍淚水扮哂無野,但去到Parking見到我老公我終於忍唔住啦!嗚嗚~

ue1WYdqQERu5nMeusQtIxQ

百厭豆BYEBYE

Z3NHYiXfxevPGmq5jqDKBAUEuOpfeY7fJ.UOZjbV6NyA  

Kori都有送哥哥機!
Natto: 妹妹~byebye啦,哥哥去嘆世界!

 

Natto 前兩日跟左我o既親戚返香港"渡假" 三個月! 今次係我地第一次分開一段o甘長o既日子!

好多朋友知道Natto會一個人 返香港幾個月後,都不禁話我地真係捨得比個仔離開o甘耐!原本我以為我捨得,三個月之嘛,一轉眼就過啦,仲好啦,有三個月可以唔駛餵飯,唔駛追住佢叫佢唔 好攪呢樣攪個樣! 不過到送機o既一刻,我真係超級非常不捨!!好耐無試過送機會有呢種肝腸寸斷o既感覺!
因為我地每次返香港都來去匆匆,同家人見面o既時間唔長,加上太婆年紀大啦,想見多Natto幾面,所以我地幾個月前作出左呢個o甘勇敢o既決定!!

雖然只係分開左兩日,但每當我見到Natto o既衫仔,玩具,所有同佢有關o既野我都突然傷感!! 好想好想快d見到個仔!!

這是我地第一次分離!!

唉~ 雖然你平時好麻煩,食飯食成個鐘,而家仲學識發脾四,又成日咬我,有你響屋企總係要每隔兩日洗衫拖地,每次你唔食飯又會攪到我好激氣,但係原來媽媽真係好 唔捨得你呢個百厭星!!  三個月應該會好快過!!!我經常o甘樣安慰自己,每日都要睇下你d相同Video止渴!!

Natto呀!你千其唔好唔記得爸爸媽媽呀!!呢三個月要乖乖地聽話,好好享受香港既熱鬧生活!!

各位blog友仔,如果響街見到Natto,請代我話比Natto知爸爸媽媽好掛住佢呀!!

arrow
arrow
    全站熱搜

    obsiuna 發表在 痞客邦 留言(0) 人氣()