小娜執媽的部落格

雖然我個女唔係d咩靚女，但係有時都幾迷死人!

基本上Kori一見到屋企人就會笑，陌生人就要少少時間warm up一下! 每一日起碼有三分二時間係笑騎騎架~~

比隻手指你睇 oY

不過腳骨力都係Natto好d，Kori仲未可以扶實用腳仔支橕身體

今年無機會去日本賞櫻，唯有睇下悶蛋國o個幾棵仔櫻花頂住檔先

Kori一百日大啦!!不經不覺又長大了!!! 呢一百日充滿快樂，嚴格黎講Kori仲好湊過Natto，因為佢個半月就自己一覺o訓到大天光，完全令我唔覺得自己係湊緊初生B，
而且從來都無半夜喊醒扭抱，哥哥以前都間唔時會半夜扭下計，Kori呢方面就乖過哥哥啦!!

本來我好想為Kori攪一個百日宴，不過家中好似無人有興趣攪，話Kori都見過哂d親戚朋友(其實我地響悶蛋國都無親戚) 又比人話其實d咩百日宴，滿月酒都係大人想
攪，小朋友o甘細根本唔會記得架啦，其實攪黎都無意思無意義。。。。我聽完之後係不是味意的! 係!!! 要慶祝可以只係一家人食下飯慶祝下開心下，但我都唔覺得
攪滿月/百日宴係好多餘o既事!!我只不過想多d人熱鬧d，不過既然屋企都無人想攪，得我自己想攪就無意思啦!!

Kori:

多 謝你比媽媽呢一百日o既歡樂，多謝你比我有覺好o訓同有啖好食! 媽媽本來想為你開一個生日會，不過到最後都係攪唔成，對不起!! 我希望你唔會覺得媽媽偏心哥哥~因為哥哥有影4D相，你無(其實係你唔合作影唔到咋)﹔哥哥有baby shower，你無﹔哥哥有滿月宴，你又無!! 其實媽媽真係好想為你慶祝的，或許你將來唔會記得你一百日時係點樣渡過，但係呢一日，媽媽覺得係絕對有意思，絕對有意義架!!

媽媽希望你以後o既日子都係充滿快樂同健康!! 我期待著你帶比我第二百，三百，四百日，仲有更多更多o既喜樂!

MaMaMi (Natto係o甘叫我)  Love you ^3^~~