小娜執媽的部落格

Fullmoon Kori~~^^

同哥哥一樣，洗白白就唔喊

爸爸直擊處女下水

洗完白白，爽哂!!

出關o既我，即晚就打邊爐啦!!嘿~

話o甘快kori已經滿月啦! 我的終極坐月生涯亦告完結啦!! 唔知點解kori o既臍帶要四個禮拜先甩，上次natto三個禮拜就甩啦! 終於可以處女下水啦!!當然係由麻麻代勞
啦~

相處左一個月，大概已經捉到少少korio既脾氣! 我家小公主係一個極度怕悶，怕寂寞o既人! 佢一唔o訓，就喊住搵人，要人同佢講野或者抱佢! 好彩佢夜晚都算聽話，
自動波訓三到四個鐘先喊食! 只係日頭比較黏人，又比較大食，有時每個鐘都要搵我一次! 我唸佢好快會介到夜奶(希望中)

個性亦比natto" 剛烈"(麻麻成日話佢係惡雞那)，喊得比natto大聲同惡! 你唔理佢，佢會再喊大聲d，直到你去睇佢時，佢就會裝出一個可憐樣，bit 兩大滴淚珠比你睇，
等你唔忍心唔抱佢! 萬試萬靈!!!

暫時都仲係全人奶b，但我硬係覺得我今次唔係好多奶!

總括黎講，我比佢80分啦，都算好湊架啦!不過果然係比natto "long黎"d~

上次講開代購，我同我老公輕輕唸下，構思下就已經用左幾個鐘頭，再唸下要買貨訂價，嘩!!! 真係多多時間都唔夠! 我最怕煩架啦，睇黎都係泡湯架啦! 不過我都
想八卦下大家會想買美國既咩產品? 衫?奶粉?BB用品? 我知道好多香港朋友黎到美國都勁買A/F同維他命，因為真係平過香港好多!!