4D同樂日 @ 小娜執媽的部落格

其實每次去檢查都有照4D,不過今次呢個4D係專為準爸媽而設,just for fun~~因為係收費服務!!!!嘻~~

我地一早約埋奶奶第一個準時去到clinic,門未開,一個客都無,同平時做檢查一早坐爆哂人o既情景形成好大對比!!呢間clinic逢星期三只做自費性4D,鬼咩~~自費o既野梗係無平時o甘多客!!

佢地既Fetal View有幾個packages!我同奶奶一致覺得中間個package好D因為有DVD video!而最平o個個package$85就係VHS!!呢個年代點搵VHS機睇呀!!呢個basic package包一個25-30分鐘既ultrasound,有埋照ultrasound o既DVD video,5張彩色相,15張黑白相,一個相架仔,一個毛公仔,一張UL証書,兩張 announcement card同埋一罐奶粉sample, 盛惠$150美金!! 我老公覺得貴,猛話$150可以食到好多餐晏仔,哈哈~不過我同奶奶二比一贏左!!

其實照4D一D都唔平,加上平時做檢查都有得照4D只不過無o甘詳細,唔會好似今次o甘由頭到腳照得清清楚楚又會慢慢解釋比你聽呢度係手仔個度係腳o甘, 所以都唔係好多人肯比錢照!!由於客唔多,我地都差不多照左成個鐘,賺哂!!!

Natto今次就唔係好合作啦,成日搵隻手遮住半邊面,再唔係就遮住個鼻,到最尾仲成塊面遮哂,好似想話我地知夠啦,唔好再攪住佢o甘!!真係比佢激死!!!不過好彩都照到好多正面相!!

越照越覺得Natto似佢BaBa,一樣係個大鼻仔!!! 我老公一聽到人地話個仔似佢,即刻露出一副神氣樣!!

等多兩個月啦!!Natto B,我地全家都好期待你o既來臨哩!!