小娜執媽的部落格

多謝大家o既建議同埋鼓勵! 作為新手媽媽,我可以做o既就係不斷搵辦法令Natto食返正常份量! 小朋友唔識講,佢話唔到比你聽佢想點,唯有我地做父母o既去估!當中需要好多耐性同愛心,所以如果你少D愛心同耐性,真係唔好唸住有細佬仔!

希望Natto會響返香港之前正常返,如果唔係我都唔知點攪啦! 返香港日日出街,節目又多,我呢個野性仔一定周圍八卦,到時分分鐘廿四小時絕食都似!!大家祝我好運啦!!

大家如果有日見到一個頭髮凌亂, 面容扭曲o既我響條街度餵緊Natto, 唔駛驚慌,餵完之後我會變返個正常人架啦!

好幾日都無正正式式食過一餐Solid o既 Natto, 今日我新買左呢包加拿大出產o既Ella's Kitchen baby food ,居然一次過同我食哂一包!!!開心到我哩!! 呢個包裝好在係佢容易座熱又唔駛用碗仔+湯匙餵,就o甘唧入口就得啦,可以lur出黎o既機會大大減少,又唔會食到好messy,出街一流!!味道亦比 EarthBest 同Gerber好味,味道無o甘怪!!不過荷包就會好傷心,因為一包3.5安士o既Baby food ,要買到差不多兩蚊美金,即係差不多15蚊港幣,好很貴!!!! 不過對於咩都唔食o既Natto,如果佢肯食,傷就傷啦,我至多食少餐壽司!!

買左幾隻唔同牌子奶粉/奶水,睇係換牌子會唔會有幫助!!

唔食唔飲最大機會便秘,我已經準備好啦!! 希望唔駛再好似o甘痾到喊!

當你餵仔餵到個人好失落時,少少甜頭就可以 light up your day !!多謝你呀樹!