小娜執媽的部落格

After X'mas 2 days Sales

Natto BaBa o既Sport Shirt $30( $240港幣), 我件衛衣$36($290港幣), Boxer $11 ($88港幣)抵到爛!!!!

法國 Janie & Jack冷帽仔$4( $32港幣) 質地超軟熟,花園街都買唔到啦!!!

嘩~原來我有o甘多隱形Blog友仔!! 你地平時又唔留隻字,等我以為反正無咩人黎我個乞E Blog,就算私有化都無所謂啦! 其實私有化問題仍然有待思考,我老公o禽日問我,做咩要私有化,顯然佢唔介意我post佢o既核突樣出黎,嘻!!!!!

臨 近佳節,我肚面o既敗家蟲成日都了黎了去,加上各大商店一減再減,賤物鬥窮人,攪到我都荷包小出血!  我響悶蛋國既購物慾係非常之低架~因為悶蛋國D衫實在太老土,有款o既又太貴,所以我幾乎唔會響悶蛋國買衫,次次都係返香港或去日本時一次過大出血! 而家有埋Natto,我更加勁少買衫比自己,買親都買比Natto,而且多數都係上網買! 現今上網買野簡直易過食生菜,一click攪掂,仲送到黎你屋企門口,價錢又相宜,仲駛咩出門!

不過近年返香港,發覺香港消費越來越高! 食野買野其實都唔會平過響悶蛋國,而且香港o既所謂減價(見到D 95折心唸你可唔可以折得有誠意D)真係絕對唔可以同悶蛋國o既減價比!我地呢度減親,至少都8折,有時大時大節折上折分分鐘有一二折tim,真係平到你 唔信!好似一D港人最鐘意買o既美國牌子A & F, GAP,HOLLISTER今個 after Christmas都平到飛起!我都忍唔到手買左兩件!

我見好多blog友仔都有試過幫襯代購買美國牌子o既衫,我好奇去呢D代購 websites睇睇,一都唔平wor,如果遇著大減價,呢D代購都食水幾深! 我同Natto BaBa講,不如我都去做代購啦,但係我唔賺大家錢,只要大家幫我代購返香港o既BB衫就得啦,哈哈~~