小娜執媽的部落格

NATTO 的手信!!多謝EE~應該係公公至o岩~

呢隻金箔洗臉皂聽人講話好好用!!等我試下先!!
http://www.sassou.com/chi/index/

好耐都無用mud mask啦~

呢支係Natto o既Olive Oil只不過用左無印樽!!(死未!!無印樽都唔放過!!)

早排聖誕節我細妹返左香港,例牌比我老屈左好多手信!!哈哈~真係唔知點解已經成日有人來回香港悶蛋國,但每次我都總係忍唔住叫人幫我"帶貨"!!真係好似有買唔完o既野o甘!!(響香港!!!)

自從陀左Natto後,我好耐都無買護膚品比自己啦!! 又唔知點解陀左佢之後D皮膚變好左,粒粒無哂,連毛孔都細埋!!哈~o甘又唔怕陀多個wor!!(思覺失調中)

但 我相信我老公絕對贊成,因為佢成日話兩個仔好,屋企太多女人,(我細妹,佢呀媽,我呀媽+埋我)陰盛陽衰,要多D陽氣wor! 同埋合乎經濟原則,因為可以執返Natto D舊衫!!你知啦,買女B衫仔隨時破產架嘛!! 再加埋我話陀仔皮膚好到唔駛買護膚品,嘩!!可以慳埋skin care tim!!!!哈哈~~佢唸下好啦!!!無野可以阻到我o既敗家癮!!就算我唔出街,唔響香港,我都可以夠膽死上網買,叫人幫我買!最恐怖o既..... 我連日本網都唔放過!! 而家D Yen o甘貴,真係一唔覺意都一頸血!!

我老公的如意算盤.......Sorry~打唔響啦!!