小娜執媽的部落格

就係呢個超好用o既 Medela Symphony Breastpump Plus

久休7個月,終於響上個禮拜復工!!

響要返工前一個禮拜,我開始緊張!!因為好耐無做野,驚自己會手腳慢哂,你知啦,生仔呢家野有時話 生就生,唔等得架嘛!!特別係我D墨藉媽媽,生仔易過食生菜,隨時一beep就beep左個B出黎! 其實我一直都有點怯怯地我呢份工,一來隨時面對突發野(產婦響醫院大堂生左,一入黎全開個B頭已經出左一半, BB突然心跳下降要緊急開刀等等....少D心血都死得!) 以前我一要返工前一晚一定o訓得唔好,唔駛較鬧鐘都會自己到時到候醒! 我初時以為係因為工作性質太激引致,後來先發現另有原因!!

原來我潛意識係好怕早起身!!!! 因為早在我仲係護士學生時,一邊實習一邊返學,有時要去到老遠o既地方實習,要早到凌晨三點起身,四點出門口去醫院實習!! 以前讀書忙爆,做哂功課,溫埋出分分鐘都已經凌晨一點,o訓唔夠兩個鐘又要起身去出實習,幾乎被都未o訓暖又要出去!!呢D非人生活,我過左4年啦!! 之所以我老公響我仲讀緊書時要成日幫我擦淚就係o甘解!!自始我好驚要倒塌o甘早起身,所以我初出黎做護士時係做夜班,我一D問題都無!! 我係名副其實o既夜鬼一名!! 可能係甘,Natto都係一隻夜鬼,最鐘意夜晚扭扭擰擰唔o訓覺!!

我呢個恐懼早起o既心病, 響我生左Natto之後就好左好多啦!因為經過頭一個月地獄式餵奶訓練後, 我返工雖然都係要五點起身,不過比起之前兩點,四點,六點都要餵奶時已經好好多啦!

第一二日返工簡直忙到氣都咳!! 可能聖誕前,大家都想生完可以返屋企過聖誕! 我連飯都無時間食,全日只係食左一碗麥皮+一隻香蕉!! 至於pump奶,我都係盡人事一有一廁所位就去pump,結果全日13個鐘pump得兩次! 個石頭胸痛到我哩!!!! 第二日放工返屋企,塞埋一邊!!唉.........結果要勞煩我老公幫我按胸,因為自己按,一怕痛就按得唔夠力! 嘩!! 痛到好似生仔o甘!!! 好彩o既係醫院有個Pump Room專比媽媽用o既,裡面個電泵簡直令我愛死佢!!

我 自己個pump其實都唔差Medela Pump in style ,雙電泵都唔算嘈,不過點都唔夠我醫院o個個好!! 一來超靜,靜到我放響電話旁邊問我老公聽唔聽到pump聲佢都話聽唔到! Pump o既時候力度剛好,好溫柔,唔好拉到好痛,而且仲可以stimulate到幾round奶陣!唔駛15分鐘就已經有10安! 我平時起碼半個鐘先得! 見o甘好用,好奇上網check下幾錢!!嘩~ 千四蚊美金,唔怪得啦!!!
 
忙左兩日,我自已接左兩個B,一仔一女都係六磅多少少!! 一接出黎,咦!!點解o甘細粒o既? 望下個磅寫住六磅幾我唔係好信,以為個磅係壞o既,仲叫我同事黎睇睇!!跟住我同事話無錯呀,六磅B係甘上下size啦!!可能我見得而家十幾磅o既 Natto  多,見返D初生B就覺得佢地好細隻!!哈~

第 三日返工係Boxing Day ,終於可以比我抖返下!!由於係Boxing Day, 大家準媽媽開完Party,但仲未過完節,所以通常如無必要都唔會入院住,務求可以同屋企人過埋個新年嘛!!所以當日我接左一個產後o既媽媽,送佢上產後 房之後就無再接過產婦啦!!!爽到哩!!如果日日係甘,我返五日都願啦!!

無事做12個鐘真係好漫長,所以我通常會帶幾本書返工睇!! 最近我買左呢4本,希望黎緊返工有機會睇啦!!