小娜執媽的部落格

最近睇新聞知道浸會醫院有個大陸孕婦開刀生B之後大量出血>10000cc﹐最後都係失血過多救唔返!!其實 而家科技發達﹐生仔已經無以前o甘危險架啦!孕婦死亡更係少之有少﹐其實好多時候有D危險野係孕婦自己製造比自己o既!好似胎盤植入o甘﹐最大o既成因係 因為曾經開過刀﹐子宮有舊傷口令到下一次懷孕時﹐新o既胎盤有機會植入去舊有開刀o既子宮位﹐令到胎盤有可能唔正常地生得"太入肉"﹐令到生產之後胎盤難 以同子宮分離﹐造成大出血!!

以前開刀生BB係情非得意o既事﹐而家好多人(包括好多名人明星) 因為種種原因﹐例如怕痛﹐想快靚正﹐覺得開刀安全D﹐可以選擇時辰比BB出世﹐更離譜o既係驚順產會影響陰道彈性影響日後性生活驚老公唔鍾 意........等等!! 於是開得一次就有第二次﹐間接增加左生產時候o既風險!! 而家D醫生都係一樣﹐鍾意收開刀多過收順產症﹐因為賺得多﹐又唔駛響醫院等D產婦生仔﹐唔駛成日on call影響生活!

以前開刀唔開刀邊有得產婦自己選擇架﹐唔係有必要都唔會開刀架嘛!!唉.....而家開刀同順產o既比率已經去到60/40啦﹐幾恐佈!!

大家精明o既準媽媽﹐為左自己﹐為左BB﹐唔好再"明星效應"啦!!

http://en.wikipedia.org/wiki/Placenta_accreta

胎盤植入o既cases裡面﹐placenta accreta係最普遍o既﹐胎盤植入o既程度係最低!之後就到 increta﹐最嚴重o既係precreta!!如果止唔到血﹐分分鐘要成個子宮切除保命!