小娜執媽的部落格

子癇前症係一種常見o既產科病﹐特別響我而家做緊o既呢間醫院﹐因為產婦o既population都係d比較基層人士﹐佢地o既prenatal care 比較差又或者有drug abuse o既習慣﹐所以都屬high risk population!

子癇前症通常出現響20週之後﹐媽咪o既會出現高血壓﹐頭痛﹐嚴重水腫﹐胃痛不適﹐有時仲會視線變得矇茶茶﹐最重要係媽咪o既尿液裡面會驗出有尿蛋白!當準媽媽發現自己有以上o既徵狀﹐又發覺自己o既體重突然間急劇上升(正常黎講呢個時候應該一個禮拜重一磅)

高危人士包括:

高齡產婦(咩都關高齡事)

肥胖人士

本身已經患有糖尿病高血壓

低齡產婦(15 or under)

懷有多胞胎

又或者係以前曾經試過患有子癇前症o既媽咪

一旦發現患有子癇前症﹐最有效o既治療方法就係生個BB出黎!一般黎講高血壓o既情況會響生產後好轉!如果BB己經 足月(超過37週)醫生可以會幫媽咪催生!但如果BB仲係早﹐而高血壓o既情況又屬於嚴重o既話﹐醫生就會要媽咪留院再用Magnesium sulfate (硫酸鎂)去控制血壓!不過通常用到硫酸鎂﹐媽咪就要o訓床﹐仲要插尿管monitor住每小時o既尿量﹐因為呢隻葯都幾傷腎!同時媽咪o既血含氧量﹐因 為硫酸鎂o既其中一個嚴重副作用係呼吸抑制(Respiratory depression)!!

如果血壓無辦法控制o既話﹐醫生唯一提早開刀拎BB出黎啦!因為萬一子癇前症變成子癇症﹐媽咪就可能會發羊吊!!BB同媽咪都有機會缺氧有生命危險架!!!

o甘有咩方法可以避免患上子癇前症呢? 其實係無辦法﹐要黎o既始終會黎!不過準媽媽可以透過平時低鹽低脂o既飲食﹐控制血壓同體重﹐患上子癇前症o既機會就會減少啦!