好多BLOG友仔都以為我執仔o既,一定對生仔無有怕啦!其實做野還做野,到自己身處其中既時候就唔係個回事架啦!

做媽媽,我絕對無經驗,做人老婆我仍然係處於學習狀態! 好多野我都仲有排學~ 陀左四個月,雖然仲未真真實實感覺BB存在,但係開始接受到自己已經係人地o既媽媽啦!好多野都唔可以再只顧自己既喜好,要為BB唸左先!好似食野o甘, 以前我唔返工就可以唔駛食,或者食好少,而家就算幾唔想食某D食物,但係為左BB都會叫自己食D啦!

做人父母真係唔簡單,係一輩子o既責任!!以後唔可以話想去旅行就兩條友仔飛左去~BB有咩頭暈身興又擔心一大餐,到大D又要顧佢讀書人格發展,呢個JOB一d都唔野少!!

不過我地都欣然接受呢個大挑戰,希望我會做好呢份工!

唔知係咪孕後焦慮症呢?呢排返工見到D媽咪生仔,突然有種驚既感覺,一唸起幾個月後呢D痛,呢D辛苦就會臨到自己身上啦,心驚驚!!

又一唸起下年可能無得去旅行啦..........

arrow
arrow
    全站熱搜

    obsiuna 發表在 痞客邦 留言(0) 人氣()

    E-mail轉寄