小娜執媽的部落格

以前做o個間中國人醫院﹐好多醫生都會為產婦剪開會陰(會陰切開術, Episiotomy)等個開口大D﹐等BB容易出黎以免會陰因為頭仔o既壓力令會陰撕裂!!十個醫生八個都會剪!!(會陰即係陰道口下方到肛門o既部份)

不過而家呢間外國人醫院就o岩o岩相反﹐我做o甘耐都無見過有醫生剪! 我聽醫生講﹐其實陰道係由好有彈性o既肌肉組成﹐當分娩時會變得好有伸張能力﹐只要媽咪控制pushing o既力度得宜﹐就算唔剪會陰都唔會裂開!當然每個人o既結構唔一樣﹐有D媽咪天生陰道口比較細﹐唔夠位比BB出黎要剪開會陰就在所難免!但係一般都可以唔 剪!

有D醫生係咪都剪係因為怕萬一會陰嚴重撕裂﹐就要用好多時間去縫針啦﹐所以唔理三7廿一剪左先﹐就算縫針都會係齊口o 既傷口﹐易縫好多!以前見做夜班見過一D無良醫生半夜被call黎生仔﹐頭又未梳都唔個o訓醒未﹐拎住把較剪亂o甘剪﹐仲要把手術較剪唔夠鋒利﹐要剪幾下 先剪得開﹐真係睇到都痛!!(大家唸係用唔夠利o既刀去切豬肉﹐大概就係o個種感覺啦)仲要縫針勁"拿西"縫到唔對稱一東一西﹐而媽咪係全不知情﹐最後仲係o甘多謝個醫生!唉.......真係多得佢唔少就真!!!