小娜執媽的部落格

適逢今年係第一年o既結婚週年紀念﹐我當然不忘surprise我的親愛的! (我其實係一個好浪漫o既人﹐如果係男人o既話一定罧死唔少女﹐哈哈)

唔 知幾時有一晚我同佢響屋企睇新聞透視定係其他港台節目介紹歐洲最近流行o既分子料理﹐睇到我honey定哂 形﹐似乎對分子料理好有興趣o既樣子﹐而o甘o岩今次東京之旅居然比我搵到有得食分子料理o既餐廳﹐於是我就有呢餐好野食啦!分子料理 (Molecular Gastronomy)其實係"用科學方式破解食物分子的物理及化學原理，搵出最理想的烹調方法及溫度，將食物改變成意想不到的形態!!

響日本暫時只有文華東方有分子料理食﹐每晚serve兩輪﹐每次只serve最多7個人﹐
所以我提早左大半個月訂位好彩仲有位!由於平時我honey著衫太隨意﹐而酒店餐廳方面又話dress code要smart causal所以最後都係響去之前透露左少少比佢知我呢個surprise﹐費時佢到時著件衛衣去就大穫!!

當日book左八點半﹐酒店提醒我地要早十五分鐘到﹐等齊人就可以入座!o個晚連埋我地有六位客人﹐一對日本人﹐一對外國男士同埋我地!我地被編去英文席﹐由主廚Jeff Ramsey 親自解釋我地食o既係咩東東﹐另外o個對日本人就由日本助手用日文解釋啦!

我 地行完成日街﹐加上o個日又晨早去築地又落雨又買左好多野﹐於是將戰利品存放響metro o既Locker 費時大袋細袋o甘樣衰衰!不過我地最後響銀座松屋o既宵夜uni同大蟹腳就一定要帶埋去﹐唔係響metro locker度實焗到臭!東京o既文華東方好易搵﹐響Tokyo metro 三越前站落車後行三分鐘就到啦!終於唔駛響同人溝通唔到啦﹐酒店個個都識講英文太好啦!! 一位外國藉o既先生好有禮貌地幫我地掛好大褸同埋放埋我地D宵夜入雪柜之後就帶左我地去靠窗o既梳化坐低飲啖野先﹐等齊人就去Bar o個邊開餐啦!

酒店o既門口唔係好明顯﹐不過大大個招牌照住實唔會走漏眼!

我地晚餐o既地方就係38樓lounge 裡面o既 TAPAS MOLECULAR BAR

http://www.mandarinoriental.com/tokyo/dining/molecular/

38樓o既東京夜景

左手邊就係我地用餐o既Bar﹐每次最多坐7個人,其他地方就係比你飲下野談下心既﹐有好情調

落一層﹐樓下o既Signature餐廳都好靚﹐下次試下先!!

To Be Continue..................Tapas Molecular Bar 食物篇^^

銀座松屋地下o既supermarket到差不多收工時﹐好多新鮮o既Sashimi都因為唔可以留過夜所以都以八折到半價出售﹐o甘筍o既野我地點忍得住!!!