小娜執媽的部落格

我講極我老公都話picture唔到張Ultrasound相，激死!!!其實都好容易睇je!!左上角一pat野就係我胎盤，右面一pat白色野就係KORI面珠(佢係面向左面) 黑色一
點係眼仔。再過左面少少就係鼻同口仲有下巴~

我終於洗哂KORI初生到三個月o既衫仔啦^__^

最近好忙! 隨著迎接KORI o既日子越來越近之外，年近歲晚又要打掃，又剛剛送走了媽咪，又要湊NATTO，真係多多幾雙手都唔夠洗!

上次我OB話我胎盤個Shape唔正常，寫紙比我去照專科大機，終於排到我啦!! 呢個亦係上次去幫KORI照4D o既診所! 我Appointment 11點半，結果兩點半先照得，痴左線!!!好彩個姑娘放我出去食飯先，唔係我同KORI都餓鬼死!

醫生話一切正常，個胎盤形狀係特別D，但係無傷大雅!!我位KORI公主今次好少少，比返DD面媽媽，比我睇佢半邊面珠!!! 因為佢一路都埃住響我個胎盤，當正佢係Cushion，所以無辦法睇到佢o既全相啦!唔緊要啦，仲有唔夠一個月就見真人啦，都唔爭在啦!!

快36週o既KORI有5磅9安士! 感覺KORI可能無NATTO出世o甘重啦，因為今胎我湯又少飲，亦好少煲補品比自己，頂多係食下燕窩! 不過我覺得六磅幾都夠皮啦，無o甘難生!!