小娜執媽的部落格

如果大家已經唔係第一次做媽媽o既話﹐應該知道BB o既第一篤便便好似芝麻糊o甘杰他他﹐綠緣地色!! BB o既第一篤其實係胎便(Meconium)﹐早響未出世之前已經響BB o既腸仔裡面!有時BB因為響生產過程中因為子宮收縮而受壓﹐令到胎便過早響羊膜裡面排出﹐BB就有機會吸入自已o既便便﹐造成胎便吸入 (meconium aspiration)﹐嚴重o既時候會令BB出生後呼吸困難﹐一旦胎便入左肺仔更加有機會做成胎便吸入性肺炎﹐BB如果因為o甘呼吸困難就要送去 Neonatal ICU 接受觀察!

通常超過40週o既BB﹐媽媽有糖尿病高血壓﹐或者產程過長令BB受壓都會容易D令胎便排出!呢個情況通常 響媽媽自然穿水或者人工穿水時發現﹐羊水會綠綠地色﹐比較混濁!! 通常如果BB心跳各樣一切正常﹐我地都只會維持觀察﹐唔會特別做D咩o既! 但係如果BB心跳唔多好時又或者胎便太杰時﹐有D醫生會用IUPC (intrauterine pressure cathether) 類似一條導管插入子宮裡面(插入時會有dd唔舒服﹐depends on 醫生手勢) 再駁生理鹽水註入子宮裡面(amnio-infusion) 作用係稀釋胎便﹐等佢唔好o甘杰就算BB吸左影響都無o甘大!一般黎講除非BB心跳受到嚴重影響﹐如果唔係羊水出現胎便都唔需要開刀o既﹐媽媽們唔駛太擔 心!BB出世後比NICU o既護士觀察下﹐無問題就會留響媽媽身邊!

我就見過好多次羊水裡面有胎便﹐有一次有個產婦亦有呢個問題﹐D羊水超級杰﹐真係好似芝麻糊o甘﹐好彩BB無事﹐只係一出世就變左青BB﹐成身綠色比便便包團住!!

如果第一日有人鬧係"食屎大架你?" 你可以大大聲串佢"有可能wor!!"哈哈~