小娜執媽的部落格

http://precisepresentations.medicalillustration.com/generateexhibit.php?ID=9393&A=59501

前兩日o既duties令我原氣大傷﹐雖然唔係生好多B﹐但係就遇上緊急開刀﹐跑到我氣咳﹐用"跑"呢個字一d都唔係誇﹐因為真係一個十萬火急o既case!

o個日我如常地接左2個媽咪﹐一個3cm﹐第1胎﹔另一個6cm﹐第3胎!! 一班實習醫生準備去驗查我6cm o既媽咪﹐如果佢仲係無咩進展就會幫佢人工穿水﹐等佢快D生!一check﹐仲係6cm﹐於是就準備人工穿水﹐我已經準備哂d equipments﹐ready好!實習醫生兩三下手就穿左羊膜﹐羊水一湧而出!跟住我呢個實習醫生好老定o甘同我講:" I think there‘s cord prolapse" 我初時以為佢講笑﹐因為cord prolapse係急症﹐一但發現要即時開刀救BB!!跟住佢同我confirm係!!死!!!死死死!!!大穫飯!!即時9秒9跑出病房搵同事救命!! 唔駛10秒﹐五六個同事一窩蜂號入黎我房!!一個插尿管﹐一個打針﹐一個推床﹐ 一個通知主診醫生!!!唔駛3分鐘入到OR﹐BB出世唔駛5分鐘!!好彩我個B無時﹐8磅7﹐肥仔一個﹐仲喊得鬼o甘大聲!! 做完呢個case﹐成身散哂!!(都怪平時無做運動打底)

其實Umbilical Cord Prolapse(臍帶脫垂)係產科裡面o既急症﹐ 呢種情況通常發生響穿羊水o既時候!正常黎講﹐BB個頭會最先進入產道﹐但係如果太早穿羊水﹐BB個頭都未落到去產道﹐臍帶就落左產道﹐o甘呀B個頭就會 壓住臍帶!!由於臍帶係輸送氧氣比BB o既唯一media﹐如果臍一受壓﹐d氧氣就去唔到BB度﹐BB就會缺氧﹐短則大腦受損﹐耐則缺氧死﹐所以一旦發現臍帶脫垂﹐5分鐘內BB就出世﹐否則就 大穫啦﹐我份report有排寫啦!

所以媽咪們﹐一但響屋企又好﹐響街又好﹐穿左羊水就要即時去醫院啦!!

通常如果響醫院發生﹐醫生/護士要一直將手托住條臍帶(陰道內)直至BB出世先可以鬆開手!!所以我呢個實習醫生係連人帶手比我地推埋入OR﹐大家想像下個情境應該幾好笑﹐不過當時我已經唔識得笑啦!