小娜執媽的部落格

今日唔知做咩鬼o甘旺場﹐12個鐘頭內接左三個仔!!連幫同事睇住﹐等佢放lunch o個半個鐘我都可以生埋佢個patient﹐真係接到手軟!

我是日第一個媽咪一入黎已經全開(10cm)仲要係第二胎﹐我食緊早餐都即時要低手飛奔入去OR接仔!! 響呢度奉勸各位己經生過BB o既媽咪唔好等到自己痛到要生要死時先去醫院﹐隨時中途未到醫院就生左! o個D第二﹐三﹐四胎﹐又唔係好耐之前先生完o既媽咪最高危﹐好可能由陣痛到生都只不過係幾個鐘!!

我呢個媽咪由於產程太快﹐產後大出血呀!!我recover 佢o既時候猛話痛﹐比左止痛葯都係唔得﹐之後仲突然血壓下降!我見佢連床單都有血(平時生完多血極都係成張大pad soak哂﹐唔會過底)我見勢色唔對﹐於是call 註院醫生黎睇佢!一黎到醫生一按個子宮位﹐即時"爸爸"聲d血塊係o甘出﹐我都係第一次見到o甘大盆血!!!多o既程度可以裝滿半個屋企o既洗面盆!!不 過D瘀血一出就即時止血﹐無再流啦!!攪到我滴哂汗幾驚又要推返入OR!

其實產後大出血(postpartum hemorrhage)係一個好普遍o既產科complication﹐只有極少數o既媽咪係因為出血而出現生命危險﹐最緊要及時止血! 一般黎講順產大概會流失150-300ML o既血﹐開刀就500-1000ML!

我呢個媽咪起碼流左1000ML 血﹐順產黎講算做大出血!剛剛生完o既媽媽其實可以按摩自己個子宮(響肚臍位)﹐打圈按2-3分鐘﹐一日按兩三次有助防止大出血! 子宮出血o既主要原因係因為子宮肌肉弛緩(uterine atony)﹐無法正常收縮止血! 有時如果有胎盤殘留o既小塊未清乾淨都會令子宮肌肉無法收縮造成出血! 呢種情況醫生一定要刮宮將殘留胎盤清出先得!不過呢個procedure係好痛好痛(我好多patient都話比生BB仲痛)﹐媽咪們要有心理準備!!

所以話女人幾時都係成日受痛苦o既動物﹐每個月M到又痛﹐生仔又要痛﹐生完仔之後又要痛一大輪!!