小娜執媽的部落格

蒙在鼓裡

11磅10安士,23戰吋半高,屬中碼BB! (growth percentile 50%)

暴風雨之前通常係平靜o既~

醫生黎啦,醒左!

咦~護士姐姐你比我飲? 怪怪地但可以接受~

一隻大比仔打兩支針!!!好肉痛~

MaMi比比痛痛呀!!(好淒涼呀)

響悶蛋國,BB仔會響出生後兩個月,四個月同埋六個月打幾次針(預防疫苗),兩個月o既Natto亦逃不過被人拮大比o既厄運!!

除左出世後一個禮拜,第二次健康檢查通常係兩個月,遲香港健康院少少!!加埋上次生暗瘡時見醫生,今次係第三次見醫生啦!!!醫生姨姨每次都會抱下Natto,同佢講兩句培養下感情!!

聽講響香港健康院有某D疫苗係唔包,要自費打,一支好似要幾百蚊都幾貴!!悶蛋國就保險包哂,十蚊雞攪掂!!!

BB 從出世到6個月總共要打6種疫苗~兩個月o既預防針包括!!合共3大支針加一劑口服疫苗!! 嘩~一次打三支針,睇到都覺得恐B型肝炎HEPATITIS B(第2針,第一針出世時已經打左), 小兒麻痺(POLIO),肺炎雙球菌(PNEUMOCOCCAL DISEASE),白喉,破傷風百日咳三合一(DTaP),口服輪狀病毒(ROTAVITUS), 同埋B型流感嗜血桿菌(Hib)佈!!不過為左BB健康著想都要忍心佢比人拮下大比!!

Natto受刑後反應唔算猛烈,喊左幾秒仔!!食口服疫苗更加聲都唔聲下,可能平時食維他命D充劑仲惡頂,習慣左!

醫 生話BB打完針後最常見反應係比較易發脾四(扭左少少計,還可以),昏昏欲睡(中左),大比紅腫(打完針即晚係有紅腫,不過第二日已經退哂),低燒 (無!!)至於大反應就無,亦無過敏!!!(好彩!)不過我見Natto大比仔紅腫好似好痛,比左一次止痛葯佢食!!呢支提子味o既葯水非常香,攪到我都 想食!! 比起平時難飲到死o既維他命,難怪Natto食搭搭聲到啦!!

So far 今次打針都好順利,不過睇見個仔痛到大喊都唔好受,打在兒身,痛在娘心!!但係可能我成日幫人打針,未至於緊張到同個仔一齊喊埋一份(有D媽媽會架)

下一次受刑會係四個月,可以休息兩個月!!嘻~ 我唸下次佢可能會知道要打針係痛痛,未打就喊定先!!