小娜執媽的部落格

一個好common o既 OB complication! 我年中都接唔少糖尿媽媽o既症﹐只要處理適當﹐對媽咪同BB都唔會有太大影響!

邊D人容易有GDM呢?
有屋企人特別係近親有糖尿病
比較肥o既媽咪
25歲後懷孕(死!!我都有risk tim)
之前懷孕有患過GDM﹐又曾經生過大隻B

點解會有GDM架?
懷孕期間因為hormone(又係Hormone作怪)改變關係﹐身體o既代謝功能有變代﹐令到本身稱職o既胰島素做唔切野﹐唔能夠響指定時間內將血裡面o既糖份(which is身 體所需o既主要養份)運去細胞﹐攪到太多糖留響血入面﹐令到血糖高!

點知自己有無GDM?
醫生會同響24至28週期間幫你做個"飲糖水" test﹐睇下你血糖會唔會超標!!響Test之前12個鐘唔好食野飲水﹐之後去到LAB﹐佢地會先拮你手指check下係空腹(fasting
blood sugar)o既血糖﹐60-100 就算合格﹐過第一關!!之後就會飲一支細細支好似
fanta o既野﹐我就未飲過呢支野﹐不過應該幾甜﹐有d人可能飲完後有少少反胃感
覺﹐有d人又覺得好好飲﹐每個人反應唔同! 飲完後一小時再拮過手指﹐如果低過200就過第二關!再過一個鐘頭後又返黎拮一次手指﹐今次如果低過140就過三關lu~~但係如果血糖值係響140-200﹐或者更高呢? o甘極有可能有GDM啦!

點處理GDM?
一般如果無家族史﹐又唔算好高危o既媽咪﹐聽醫生話介甜﹐注意飲食就無問題架啦!但如果血算無法控制響正常水平o既媽咪就可能要食糖尿葯或者打胰島素啦!

GDM對媽咪同BB有咩影響?
其 實只要處理適宜﹐根本唔會有太大影響!不過GDM o既BB通常比較大隻(即係好長肉)因為媽咪血裡面過多o既糖份過左比BB﹐令到佢地吸收多﹐肉都長得特別多!!肥B唔係唔好﹐不過生o既時候媽咪會辛苦 好多﹐有時更加會因為太大隻生唔出要開刀tim!! 而GDM o既BB 出生後幾個鐘亦有可能會有低血糖o既可能!! o甘點算呀? 通常我地知你有GDM﹐響BB出生後都會幫佢拮腳仔驗血糖﹐如果血糖真係太低我地就要即時餵奶或者餵糖水比BB!

而產前確診GDM o既媽咪可能要去多D診所見醫生﹐因為醫生要密D check BB o既重量﹐萬一BB太大隻就要提早催生﹐以免等到足月就會變巨B!媽咪平時都要多D留意BB有無踢你﹐活唔活潑等等!

小TIPS: 媽咪千其唔好一發現自己有左就搏命食野以為o甘會有個肥肥白白o既BB﹐其實懷孕初期長o既肉多數會留返響媽咪個肚度﹐懷孕中後期BB先係最吸收o既時候﹐所以後期先食多D都未遲!!唔係就會長肉唔長胎架啦!