瑞士汁炒烏冬原來好好味^^－小娜執媽的部落格

賢妻良母又出動啦!!其實唔駛返工o既時候我多數都會煮兩味比我個住家男食! 不過唸"食送"真係一樣好煩惱o既事﹐出面o既食譜書係就係色香味﹐不過好多材料都唔知響邊度買﹐美國D market雖大﹐但係都唔夠香港City Super ﹐吉之島o甘多品種!!好彩而家好多飲食blog﹐有哂簡單家常菜o既做法﹐有時我會加加減減mix & match﹐o甘就一餐住家飯啦!我老公好鍾意食bacon﹐不過D o甘肥仔o既食物我係甚少煮架!前幾日去食拉麵時食左一個煙肉包露筍又幾好食﹐於是今晚試下先!另外再黎一個自創o既瑞士汁炒烏冬!!

煙肉露筍整法超簡單:

1. 露筍刨皮(因為有皮比較un)再出一出水備用。

2. 之後預熱焗爐到華氐380度(攝氐190度)

3. 用薄切煙肉包露筍﹐買煙肉時最好選擇少肥同埋sodium含量o個D﹐因為煙肉最唔健康o既就係佢o既脂肪同埋鹽分!!包好之後響上面灑少少鹽﹐糖同黑胡椒就可放入焗爐焗8分鐘至面頭金黃色就食得!

而瑞士汁炒烏冬我就用左碎肉﹐蜆肉﹐青紅椒﹐紅洋蔥同埋蘑菇去炒!由於美國地方無新鮮野買﹐豬肉同蜆肉都係雪藏野! 以前我會買現成o既攪醉肉﹐不過發覺有陣騷味﹐之後奶奶教我自己買豬肉返屋企琢會好味D!!果然無哂騷味﹐但係又要多D時間prepare!我屋企人少﹐ 我通常買材料只係買少量﹐但係會要d quality好d o既!

1.將豬肉用豉酒﹐豆粉﹐糖﹐少少紹酒去雪味﹐日本麻酒﹐胡椒粉調味!!

2. 青紅椒﹐紅洋蔥同埋蘑菇洗淨切片﹐出水之後再用水浸一浸備用(口感會爽D)!

3. 而蜆肉就用少少鹽同酒出水瀝乾備用!!

4. 烏冬最簡單﹐只要出水之後過冷河(我老公更加會用冰水浸﹐佢話會爽D)

5.燒熱油後先將紅洋蔥爆香再加肉碎炒至8成熟﹐之後加入青紅椒同埋蘑菇最後先加蜆肉最後再入烏冬炒一陣

6. 加三湯匙(以兩個烏冬份量計)瑞士汁﹐少許豉油(因為只加瑞士汁會好甜)再落老抽著色﹐炒到收汁就可以上碟啦!