我們的Wedding Decoration－小娜執媽的部落格

響香港結婚要洗o既錢同煩o既野比響美國結婚多好多!可能香港人要求高D﹐而提供呢類服務o既公司又多﹐平有平做﹐ 貴有貴做!唔似得美國要有靚少少有DD要求o既Wedding service就超貴!所以我響美國參加o既wedding都好DIY﹐wedding佈置可有可無! 我地因為響香港結婚﹐基本上咩都做足!響結婚前大半年我已經research左好幾間decor公司﹐仲親自飛返香港去搵tim!

我搵o既呢間雖然唔係主流o既大型decor公司﹐不過佢地服務好好﹐細心有交帶﹐價錢亦合理! 而我要求o既野佢地基乎都滿足到我﹐最緊要係態度親切﹐唔會迫你買佢地extra o既服務﹐佢地亦係少有唔駛join package o既decor公司﹐你要咩佢地就整咩!!你鍾意o既淨係叫佢地整個backdrop又得!因為我去過幾間decor公司問﹐大多數都要 join package﹐有時有d野你唔需要都照要買咩!

老闆呀ken好好人架﹐好細心解釋比我聽我個場整D咩好睇﹐有D咩唔適合!結婚當日佢地亦準時交場﹐不過我因為成晚太忙招呼朋友都無特別細心欣賞佢地o既傑作﹐到後來睇返相先覺得原來佢地整得好靚!

我條樓梯上放左幾個花樽﹐樽裡面有花同金魚﹐呢個idea係我有一日行街時見到一間時裝店櫥窗擺左一個花樽裡面養左幾條魚仔好得意所有就用黎做Wedding decor﹐比起淨係放花有生氣!!而呢幾條魚仔響我結婚之後就比呀KEN放生左!

我地整左backdrop﹐蛋糕抬﹐樓梯﹐入口﹐stage連埋鮮花埋單大概萬五蚊!呢間deco公司值得推介!!

K City Wedding Service_Decor

http://webking.hk/webking1/kcitydeco.com/?page_no=1&lang=0