close
保健食品都唔係幾o岩我呢D唔係o甘健康o既人食!!
話說隨著年紀開始一日一日o甘變老﹐又覺得身體好似無以前o甘好﹐體力不足﹐成日覺得累﹐於是我就開始整下D坊間話保健o既天然食品! 但係我呢個人對食物o既味道好敏感﹐又好偏食﹐唔好食o既野勉強迫自己食係會食到反胃!!
我前幾日用合桃﹐黑芝麻粉再加淮山用攪拌機攪碎整到好似糊仔o甘!!點知整完之後覺得點解o甘杰o既?食落似酸酸地o既芝麻糊﹐我仍然死忍閉住氣食哂一碗﹐感覺自己響度食緊鳥大便一樣!!
唉。。。食完反胃左幾個鐘先無事!!
我唸我都係天生天養算啦!!想健康D都唔得o既!!
全站熱搜
留言列表
環遊世界 (16)
