回鄉記－小娜執媽的部落格

印象中甘大個人返鄉下次數少過十次，因為以前鐵路未係好發達，回鄉起碼要搭8個鐘頭夜火車先到，所以唔會成日返! 最近一次係我結婚後，帶豆爸回鄉見我爺爺麻麻!本來生左Natto後想帶佢返去見下太爺太麻，不過佢地等唔到我地，前年已經去左仙遊啦! 今年難得我爸爸得閒，可以陪我返鄉下，機會難得，所以就算豆爸不在身邊，我都膽粗粗甘拖住兩隻小鬼返鄉下!!而家有左高鐵，原本8個鐘車程，4個鐘唔駛就到啦，方便好多!! 加上高鐵都算新，車廂各樣設備都仍然好新，所以整個路程都坐得好舒服!!我爸爸為左佢兩粒孫舒服，訂左商務席!由於好少內地人會坐，我地幾乎包廂!

我都係第一次搭高鐵

高鐵站內

兩隻小鬼第一次去中國，亦係第一次坐高鐵

霸左兩個位既Natto

經濟廂都好闊落

準備落車啦!! Gear up，因為出面得幾度咋!

Natto對所有關於火車既野都好有興趣

第一晚姑姑下廚既家鄉菜

我最愛既家鄉米線

加埋辣菜就最正

出浴中

雖然我大部份親戚都住市區，但我有一個姑媽仍然住農村架!!佢地無雪柜，仲係用柴煮野食!! 屋企亦都非常簡陃，但係一行出屋就係田園!周街都見到雞鴨鵝，池裡面有魚，仲有食既都係自家養既羊，魚，雞，菜!!對於我呢個城市人黎講真係好讚嘆佢地既生活!!雖然簡樸，但好快樂!! 廁所係真真正正既茅廁!!!我係唔敢望下面架!!