小娜執媽的部落格

閒時weekend，我地都無咩節目架!簡簡單單帶佢地去公園,研究下地下d樹葉，果實....佢地執到地下既果實我地
會順便做下教育，話比佢地知呢d咩黎既! 無興趣班無playgroup無野學，但係一家人一齊就已經最開心^_^

有時又做下車伕

兩歲半既納豆仔

一歲三個月的西蘭花

佢地一病，我地四個都辛苦!!

多謝各位Blog友仔既十卜，小妹心情好返不少!! 係時候回歸正軌，寫返d正少少既blog啦!!

時間飛逝，Natto 已經兩歲7個月，Kori亦己一歲3個月有多!!佢地d成長日誌甩哂!!! 上回已經唔知係幾時寫啦!!

湊 兩個真係除左忙就只有更忙，以前會好細心地記起Natto幾個月識得做d咩，幾時識爬識行等等!!家下邊有甘好心神oY(其實咪又係懶je，哈哈!!)， 好多佢地milestone都係不知不覺地出現，我後來先發現或者醒起，原來佢地已經識呢樣識個樣了!! 又或者係大定了，再無好似初生B或者infant時期每個月都有好大既變化!

Natto 哥哥方面: 佢食野進步左，少左含飯既情況，速度亦比以前快!不過仍然係唔係好食綠色既野(蔬菜類)，要我打到爛哂溝落d飯/麵度先肯食，都係比較鍾意食麵類食物! 之前stomach flu後，我地同佢轉左飲豆奶，見佢食好左，唸住試一排睇係對佢腸胃有無幫助!!

識講多左野，表達自己方面亦有進步 啦!不過可能都係返學全英文關係，返到屋企就講中文，雙語學習，所以比較混淆，到而家都未掌握到講一句完整句子!通常佢一大堆雙關詞語，然後我地要幫佢重 組先知佢想講咩! 英文方面，我開始聽得明佢講既英文啦!!例如妹妹想搶佢玩具時，佢會回應一句:That's mine!!! 哈哈，完整過中文!! 有一次爸爸衝口而出一句What the hell，佢居然跟住講，到而家時不時都講下!!我已就此事炳左佢爸爸，叫佢以後小心講野!!

仍 然都係一個膽小鬼，好怕會郁既小動物，例如蟲同蟻!!!不過無以前甘誇張見到會成個人freeze左同埋爆喊，而家會識話比我聽有蟻呀，咪咪!! 公園裡面大部份野佢都係睇多過玩，完全唔驚佢會跌親整親，因為佢仲小心過我地!!(相反Kori見到蟻係會一手整死隻蟻!!!=__=)

兩歲後已經介左日片，夜片我無刻意介!但有好幾次佢居然半夜起身走入我地間房話要pee pee，令我兩公婆驚嘆不已!!我地個仔已經大個仔啦!!!

Kori 妹妹方面: 完全同哥哥性格相反!!哥哥比較文靜，喜歡獨自行動!!Kori就唔係啦，好主動外去，鍾意同人講野，好多野講(BB話)，成個八妹仔一樣!! 性格都幾野蠻，絕對可以去拍套我的野蠻女友3，唔鍾意就唔鍾意，無得講數，唔食就唔食，唔做就唔做!! 惡教也!!!

14個月左右開始行 幾步仔，不過一定要我地拖佢行!!到左今個月15個月，有日去朋友baby shower，個度有十幾個小朋友，個個都識行!!可能佢見人地行動自如好過癮，自動波地放開我地隻手，突然識行了!!! 而家上樓梯落樓梯都難佢唔到!不過我地就慘啦，由於佢大膽過Natto，完全一副唔知死既樣，所以佢行去邊我都要睇實!!
食野方面就退步左 啦!!以前BB時期有一排佢好鍾意食，又食得快，我仲以為終於生到個鍾意食野既小朋友，點知!!!唉~我希望係因為出牙啦(而家有7隻牙仔)，最近好厭 食!!!!粥粉麵飯我地都試過，都係樣樣食幾啖仔就唔食! 奶又唔係飲得多架啦，每次5-6安，每日3-4次! 唯一好在佢肯飲湯，咩湯都肯飲，同埋好鍾意食菜(仲可以食生蔥)同生果!!

而家大部份時間都可以坐potty開大!但佢未識講比我地聽，但一見到個"屎樣"，我地就會叫佢hold住，帶佢去potty通常都成功!!

講好多野!!!一起身就開始講唔停，有音調語氣，唔係求其講d BB話架!! 而家識叫媽媽，爸爸，多多(哥哥)，婆婆，麻麻，姨姨! 會講好，唔好，乖，唔乖，又識答你佢叫咩名!!整體說話能力都比哥哥強，可能女仔卦!!!

雖然性格野蠻，但都好喜歡嗲人!!一鬧佢哩就扁起個咀，一副好慘慘既樣，然後就扒響你肩膀，懶嗲甘!!

Natto返學後，斷斷續續甘受到病毒既侵襲!一病就全家一齊病!!!唉~我甘大個人加埋病既次數，分分鐘無Natto返學後比佢惹到甘多!!希望呢個只係一個過程，同時亦感恩佢地都係患小毛病je!!

今個禮拜我媽媽會飛黎兩個月，我終於有救星啦!!希望之後多返d時間可以寫下blog啦!