小娜執媽的部落格

燒到口腫面腫既陰公豬

第一次入ER，由於太高燒，所以護士要Natto除淨片片!!

可惡既玫瑰疹

自從有左兩個小朋友後，發覺可以每日update個blog已經係無可能既事! 照顧兩個小朋友真係有如返兩份full time，特別係佢地病既時候!! 我盡我所能，希望個blog唔會有摺埋既一日啦!!

呢 兩個月，我屋企一定係有粒病星!! 我地由回歸後開始全家相繼病倒~終於到大家好返後無耐，Natto又再病過，今次仲病到我地一個星期內帶佢入急症室兩次!! 唉~我甘大個人，隨左生仔入廠同返工外，都極少踏足醫院架! 有小朋友後出入醫院機會應該會大增，希望我地唔會變成常客!!


上禮拜一開始，Natto開始發燒!初頭以為佢出牙仔，發一陣就會無事，點知足足燒左四日，仲要有幾次高燒到104。5度!!! 我雖然係護士，但係兒科我唔在行，加上
又係新手媽媽，見到個仔燒到104。5度真係嚇到鼻哥窿都無肉!! 而且Natto更加開始燒到呆呆滯滯，仲嘔肚大作，雖然我知道可能都係一般流感，但燒到甘高為安全
起見都係帶佢入急症check下! 一如所料，醫生話佢係病毒流感，無葯食，只能食退燒葯! OK，我都估到係甘架啦! 不過屋企人擔心，去急症等幾個鐘求知安心啦!

點知返到屋企一直食退燒葯都唔退到燒，仲高燒左，加上Natto又開始嘔同肚痾，今次輪到我堅擔心!因為驚佢會脫水(小朋友身體面積比較細，又痾又嘔好大機會會脫
水) 所以又帶多佢去一次急症!今次醫生又係話病毒感染，除左退燒葯又係無咩可以做!! 我擔心佢高燒甘多日可能會係腦炎，問醫生駛唔駛驗血，醫生話唔駛!佢見我有d緊張，為左安撫我呢個緊張媽媽，都開埋對痛毒無咩用既抗生素比我，等我唔駛再問長問短!!

返 到屋企，可憐既Natto 又繼續肚痾，痾到Patpat都紅哂，每次換片都喊到拆天，連坐都要側身坐，簡直火燒後籣!! 不過發燒既情況好左，開始退燒啦! 終於兇手蒲頭啦!!!! Natto全身出左好多細粒粒既紅疹，原來係玫瑰疹!!! 仲以為玫瑰疹係出響歲半以下既小朋友，原來大至五歲既都有機會感染!

攻瑰疹通常最初都係高燒(>103度)3-4日後，突然退燒 後就開始出疹!! 小朋友可能會出發流感徵狀，好似上呼吸道感染，輕微肚痾同嘔肚，無胃口又好易發脾氣等! 基本上紅疹出左黎就代表就快好返!除左控制發燒之外都無咩可以做到，因為玫瑰疹係由病毒引起，食消炎葯都無用! 唯一可以做既就係防止BB因為痾嘔同食慾不振而造成既脫水現象! 最好比BB專用既電解質飲料(好似大人既保礦力既飲品) 同埋如果BB仲係痾嘔就暫停飲奶先!!

唉~~小朋友病左，真係全家都無覺好訓!!! 我而家擔心Natto會傳染比Kori，到時Natto好返又到Kori病，我就真係唔駛減肥都會瘦!! 大家祝我好運啦~~如果有一排唔見我蒲頭，我應該都係領左野架啦!!