小娜執媽的部落格

呢間就係我地入住o既民宿啦~附近都無咩屋架，所以真係好安靜!

Twins room(我記得就好似無雙人床o既房啦)

如果花季，外面一片花海一定好靚

小偏廳，有書可以借黎睇，係全部日文書，我唔曉!!

洗手盆係共用的，廁所裡面無得洗手架

Drink menu

全部係佢地自家製

前菜與沙律

地雞

Dinning room

周圍都有好多小擺設

Fireplace

仲有Kid's corner

有咩需要，只要鈴一鈴，民宿主人就會出黎架啦

民宿主人的狗狗(但唔記得左佢個名!!)

我地自己買o既飯後果

我地自己買既飯後果+一個痴線佬

2011 潮帽一頂

Good Morning

Breakfast time

奶，橙汁，茶同咖啡都係任飲的

狗狗出來送行

與民宿主人合照

巧合遇到的香港家庭

我體內o既日本蟲又黎咬我啦，唉~唔知今年有無機會"回鄉"呢?

Up下個北海道旅記頂頂癮先!

話說我地響富良野"探花"失敗，黃昏時分買埋宵夜就去美瑛民宿check in! 好多旅客去到富良野/美瑛都會租住由當地人自家經營o既民宿in stead of 租一般酒
店， 住下當地人既屋企，感受一下local o既生活! 而富良野同美瑛都有大大小小唔同o既民宿比我地呢d自由人選擇，由十幾間房到三四間房o既都有~~我地選擇左一間全宿有四間房o既小型民宿，貪佢夠靜﹗由 於五月屬於旅遊淡季加上又剛剛發生完311地震，所以全宿得我同另一家一家三口o既香港人入住(又會o甘o岩o既，原來佢地一家亦係日本粉絲，一年都去日 本幾次)如果全宿四間房都有人住o既話，o甘一個浴室就要兩個家庭share啦! 因為唔滿，所以我地可以獨佔一個廁所^^

基本上民宿係無電視，無電腦，無internet，所以住民宿就真係可以完完全全身心都休息! 其實浪漫d可以出外觀星，因為四周都黑麻麻，整個天空o既星星就會變得好明顯!不過我怕黑(因為真係伸手不見五指o甘黑)，所以我地無出去睇星啦!!

我地呢間民宿一泊兩食每人大概八千幾yen，都算幾合理! 早晚餐都係宿主自家製o既，大多數都係北海道出產o既有機蔬菜同家禽， 雖然唔算得係咩山珍美食，但係我覺得都算唔錯!! 我地o既民宿主人亦非常友善，總括黎講都係一個幾有趣o既旅行經驗!