食過午餐後，我地就趕路去睇北海道最出名o既薰衣草田!不過由於當時唔係薰衣草開花o既季節(我地五月中去)，所以無緣一睹五顏六色o既花海! 唯有下次帶埋Natto同Kori再黎過啦!

我地第一站去到彩香之里，停車場一架車都無就知道大穫!!!

我地去左幾個花田，當中包括必到o既富良野農場( Farm Tomita )都有少少花仔比我地睇下!唔記得叫咩花，不過同薰衣草一樣係紫色! 無得賞花，唯有食杯薰衣草雪糕頂下當! 我相信夏天開花季節時候，呢一片片黑沉沉o既花田一家係好靚好靚! 雖然無花睇，但係富良野真係一個好舒服令人心廣神怡o既地方!

北海道除左花田，仲有好出名o既夕張蜜瓜! 本來想去一嚐夕張蜜瓜+北海道牛奶雪糕呢個夢幻組合!!點知去到剛剛好關門打烊!!!!!!! 唉~ 唯有等下一次!!! x_x

大家好多人去富良野/美瑛都會試下住民宿，感受下當地local o既生活環境! 我地今次都有一晚會入住位於美瑛o既民宿! 不過check in之前我地去左大型超級市場Bestom買宵夜同生果! 呢個market真係好大，有少少似悶蛋國既walmart，d野種類又多又平，衫褲難襪，乾貨濕貨樣樣有而且好平tim!!! 大家黎到富良野又鍾意行超級市場o既話，可以響呢度消磨幾個鐘!