小娜執媽的部落格

女女一定係爸爸前世o既女朋友﹗因為我老公從來都唔會o甘望我

笑得好甜，lum死人﹗

原來KORI比我想像中輕，差少少十四磅﹗我見佢都幾好肉地，仲以為佢好重﹗﹗人奶B生長線50%~

KORI無NATTO細個o甘硬淨，扶住只可以企一陣

今次換左姑娘，手勢麻麻~

食糊仔之前個招積樣

一年前BaBa餵既係Natto，o甘又一年，又多一件

食到幾呢hea

雖然未識食，但都係o甘捉住我隻手要食

四個月到了，又係打針針 o既時候啦!

可能係女仔關係，Kori喊得淒涼過Natto當你，你見到佢係好想即刻呵返錫返佢，果然係嗲豬d!!

食奶方面:人奶為主，為左令Kori 第日要轉奶粉時唔會好似Natto o甘抗拒，我今日都餵Kori一餐奶粉! 而佢亦如我所料，唔鍾意食奶樽!!! 因此每次餵樽都係一大挑
戰，每次都又扭又拱腰又擰頭，起勢同你抗衡!! 不過有時心情好又或者好肚餓就會好合作地一次食四至五安! 我唸佢比較喜歡小食多餐，每次用樽餵最多四安，有時我會再比佢埋身食多一陣，我唸每餐都起碼食五安，每日食五至六餐!!

見完醫生後，醫生建議我地如果怕佢食得唔多，又以人奶為主食o既話可以開始比佢試下食米糊，等佢吸收多d營養! 我地於是當晚就試餵米糊，不過Kori似乎未係好
識用匙食糊，唔係好識吞，但就會張開口想食!

活動能力方面: 頸仔已經有力支橕頭仔，tummy time時可以hold住頭仔好幾分鐘﹗
手仔亦識得捉住頭上既公仔，比玩具佢又會識用手拎住﹗已經識轉80%身，只係唔識轉身後拎返隻手出黎，所以而家唔可以擺佢響sofa自己玩﹗


最叻係一覺訓天光，絕少扭抱同喊醒，所以我訓得非常好(除左要返工既日子﹗)

性 格方面: 開心果型，好喜歡笑，不過見陌生人就慢熱d﹗ 不過脾氣都幾大，又硬頸，唔迫得 (例如用樽飲奶，佢如果唔想，你點都迫唔到佢飲) 好多野講(似佢BaBa!!) ，o訓醒響床仔會不斷講野! 有時你同佢講野佢又會用BB話答返你!! 嗲過哥哥，有時佢想你理下佢，佢就會望下你，用情深款款o既眼神令你唔理佢唔得!

以現階段觀察，妹妹比哥哥好動d，好似比較外向! 總括黎講，暫時都係一個乖B!!