第二日我地首先出發到比較近札幌既富良野﹗由於順路關係，我地第一站竟然去食蛋糕，真係早餐都未食就tea time，不過唔緊要啦，黎到日本點能夠同d蛋糕say no﹗


雖 然係早餐都未食，胃口麻麻，但我地仍然痴線地叫左兩個Cake sets (一件蛋糕+小布丁一樽一杯飲品)再加追一件蛋糕! 當日富良野o既天氣一般，陰陰天，不過望住綠悠悠o既田地食下cake都幾寫意! 如果有時間o既話，仲可以參加佢地開o既芝士製作班!!不過我地行程緊密，無機會參加!

之後我地去拜訪麵包超人!!!!其實我唔係佢o既粉絲，不過黎到北海道又知道有間麵面超人館就黎睇睇，順便幫natto入d貨! 旅遊書都有教點樣自己搭車去，不過真係非常唔方便，所以最好都係自駕黎! 除左有好多好多好多麵包超人o既日用品，BB衫+用品+玩具外，仲有一個少少o既麵包超人畫廊，同埋一個小型o既BB遊戲室，絕對係小朋友同麵包超人粉絲 o既朝聖地! 唔知係咪平日定係因為地震關係，當日成間麵面超人館都係得五六個客仔，冷清清!

我當然亦買到無停手啦!!無計!!買BB野永遠係我死穴!!!

響麵包超人館旁邊有一間果Jam工房，有好多唔同味道o既果jam賣，亦有得免費任試，試岩味先買,亦有製作果jam o既堂上! 我地買左三小樽，士多啤梨，蜜瓜，同埋巨蜂提子味!

從外面睇仲以為係民居，不過北海道有好多呢D家庭式o既小店，自家經營，感覺都幾Cozy!!

Hea下買下又一個上晝，又到食lunch時間! 我地跟住天書去左食富良野好出名o既黑咖哩!! 由於剛剛先食完一大堆蛋糕，我地只係叫左一個set lunch，包括一碟黑咖哩蛋包飯，一個小沙律同埋一小樽北海道出產o既牛奶!!

つづく.............................