小娜執媽的部落格

唔好睇我o甘開心,我最唔鍾意tummy time!!!

又度高啦, 27吋半,16磅14安士(六個半月時)

我似唔似我爸爸呀?

醫生話我坐得穩陣(沾沾自喜樣)

meet爛哂人地D紙,仲meet得好開心

準備啦,受刑啦!!

咩料?做咩比D唔知咩我飲?!!!

好似心知不妙,未打已經周哂眉

Oh no..................

好痛痛呀!!X________X

十秒後...又係一條好漢^^

Natto 7個月大啦!!! 由佢出世開始,我覺得時間簡直係一支箭o甘,一下又三個月, 我粒豆已經o甘大個!!

六個半月時我地帶佢去見醫生打針針!!由於佢呢兩個月都食得好差,又病左兩個禮拜,體重上只係重左一磅都無!!! 不過醫生話佢無過輕,生長線仍然係50%!!

我 呢個仔真係樣樣都乖,但食野就最差!!但我唔會怪佢,因為我細個食野都係o甘惡頂,每餐都食成個鐘,我呀媽次次都餵到我好火滾!!! Natto暫時無偏食,不過佢唔多鍾意食o既野,你要用好多時間去餵佢,或者佢食兩啖就緊閉個咀,點都唔張開等你餵佢唔到!又周身郁,總之令你放棄餵 佢!!

食奶方面,無再絕食啦,不過奶量都係睇心情!!4-6安不等,最鍾意食剩一兩安!!!(氣結) 仲有一個好麻煩o既習慣,一定要食熱奶,暖都唔得!!有時食到最尾D奶凍就唔肯再食,一定要我熱返先食!!! 大佬,之後返香港邊度成日有熱水比我座奶呢!!!?? Baby food都係一樣,唔食凍,起碼要暖!!!激死左!!!
 
每日差不多食兩餐Baby food or糊仔/粥仔!!食過新鮮蘋果, 蕃薯,雞胸肉, 紅蘿蔔!! 今個月會開始比魚佢食!! Baby food就咩都食過下!!

活動能力方面: 可以自己坐好耐啦,不過偶爾都會跌,而且佢好怕跌,會弓起個身唔比自己個頭撞到地下,好攪笑! 仍然唔識反身,一比佢扒響地佢就叫哂比哂樣話我知,好累呀媽媽,我唔鍾意呀!! 不過識得自己打側訓,而且仲好鍾意tim!呢樣同我一樣!!

雙手抓野o既都好/靈活,可以將右手o既野轉比左手! 我仲未比佢開sippy cup, 其實都應該開始訓練佢自己拎奶樽,懶左!!

腳底應該裝左開關制,一掂到地或者硬野就好似著左摩打,係o甘跳!!! 聽到音樂時亦會Un下Un下!!

開始好多野講,佢大叫一輪唔知佢係投訢定係講野比你聽!! 特別係夜晚,最多聲氣!!!


剛剛發現出左兩隻下門牙,露出左牙頭仔啦!!

睡覺方面非常好!!唔駛再暗訓,食完最後一餐奶,自己o訓床仔玩下玩下聽下音樂就會o訓著,午睡都一樣,自己攪掂!! 湊佢用得最多時間係餵佢食野!! 一覺可以訓到八九點先起身! 午睡就兩個鐘!

絕少扭計!!!(感謝上帝!!!) 我覺得Natto都算錫我地,會比我地好好地食餐飯,安心o甘訓一覺好o既!!

呢個月一大驚喜!!居然學識錫人(不過唔係次次得)我叫佢錫錫媽媽,佢會用兩隻手攬住我個頭,哄佢自己個頭埋我塊面,張開個咀錫我!!有次伸利tim~~Sweet!!

ThanQ so much!! Natto San