小娜執媽的部落格

一上到去導師，一邊食飯盒一邊嘆緊酒

其實呢個開蠔班係響中環一個商業大廈裡面一間酒窖開o既

開蠔架生

生蠔粉絲ss

導師講解緊開蠔程序，注要事項，生蠔產地及味道等等

當開蠔刀插到一點可以唔跌就可以慢慢用陰力開蠔

食蠔前最好將生蠔放響冰監水裡面五分鐘，等D微生物+蟲仔爬出黎先(真係見到有蟲，係正常o既)

想食多過想開的人

配上不同白酒/紅酒

準備開工

開到啦開到啦

Yeah!!!有得食囉

大功告成，準備開餐

近年香港非常流行一D小組興趣班，例如蛋糕班，烹飪班，YOGA班，大量呢D林林岑岑o既興趣班!今次返黎有幸有朋友仔帶我地去上開生蠔+品酒班，我地老死都去試下!

我無記錯好似兩佰五十零蚊，包7隻生蠔(美國，法國，愛爾蘭，澳洲生蠔) ，同時會教你點開生蠔同埋咩生蠔配咩酒最好!當然有得喝啦，佢又無特別限你，你話要添飲佢地都無say! 最後附送開生蠔刀一把(當然係質素一般個D)

我呢個大肚婆真係好放肆，生蠔都照郁!!嘻~ 我陀Natto都有食少少，今胎無奶油唔食! 不過酒我就不沾啦，我無玩到o甘大!!!

其 實開蠔都唔算難，係要D時間同埋耐性!!我自已都成功開左五隻，其餘要靠Natto 爸啦! 同埋今次我亦都無好似平時o甘加海鮮醬(紅色個D)或者辣汁，連檸檬汁都無加，原汁原味! 導師話生蠔如果新鮮+靚，唔用醬料先品嚐到佢真正o既鮮味!! 又係真係幾鮮，一D都唔腥!

我同Natto爸都比較喜歡法國同愛爾蘭生蠔，味比較清，唔會好重味，食完有少少after taste!!!下次返黎希望仲有機會上下其他班~