小娜執媽的部落格

大家有無比我個高雄遊記悶親??嘻~今次志不在旅遊，係悶D架啦!!不過我話過要寫哂佢，坐言起行唔講笑!
最後一日啦!! 之後希望可以快快手寫埋個香港+日本遊記!!!嘩!!!唸起都覺得有排寫，希望Kori出世前寫哂啦!!

朋友仔話高雄人(泛指打工仔/地盤佬) 早餐通常都係幾味小菜加個魯肉飯，普遍程度有如我地香港人一"鐘"兩件!!! 成台小菜加埋飯都係十零蚊港幣，非常經濟!!

個魯肉飯睇落應該好味，不過當日開始作嘔作悶啦，所以我全餐只係食左兩條菜!

睇返相先覺得自己痴線，大熱天時仲幫Natto著長褲，熱到佢哩!!好彩無出熱痱!

白苦瓜汁，今次我無飲啦，因為唔太鍾意o既味道!!

最後一站朋友仔帶左我地參觀一個大集團起既一個"世外桃園" !!聽聞呢個集團除左百貨公司，酒店渡假村，仲有起埋私人小，中， 大學，讀親個個都係富二代! 好似仲有石礦定唔知煤礦之類o既野!!真係"自給自足"到不得了!!

帶著15隻冰燻蛋，結束我地短短o既高雄之旅!!
Byebye高雄!!下次見啦