P1060675.JPG

我"不幸"地比Kori 寵幸,被要求陪佢坐飛機!好彩佢全程都算合作,無扭計!

P1060702.JPG

最初佢唔肯帶Headphone架,後來比我游說成功,終於肯自己睇下電視,比我休息一下!

P1060703.JPG

10個多小時後,到著!!大家都有訓覺,精神奕奕落機

P1060741.JPG P1060743.JPG

落機後再坐Skyliner 去我地住既上野已經係黃昏六點! 返酒店梳洗一下就落街搵食!!本來想去預定既地方食野,不過唔想佢地太舟車勞動,所以最後都係響上野食烏冬!

P1060762.JPG  

返到酒店大家都頂唔順訓哂!!第二朝一早兩小鬼起左身玩霧水!

 **********************************************************************************************************************************

我D 遊記有幸寫得完,真係要比個叻自己!!! 可惜我成日都爛尾。。。。唯有寫得幾多得幾多,希望我老左拎返出黎睇下可以笑下!

有睇開我地BLOG 既朋友仔都知道,我地最常出現既地方除左悶蛋國就係日本!!(比返香港仲要密) 無計,我兩公婆都好鍾意呢個地方,因為實在太多好野食同靚野買(此項與我老公無關!!)

Natto 同Kori 開始大d,我地終於可以"侵"埋佢地玩啦!!  今年新年返香港我地響東京留左四日三夜! 兩小鬼第一次去日本就已經愛上了(係咪遺傳??!!), Natto間中都有問我幾時再去日本(好快架啦,我唸) 不過第一次帶佢地去當時冬天既日本我都有d 擔心,驚佢地會凍親,所以我今次重裝準備,其實有少少多餘,因為日本除左室外,室內暖氣大開放,所以一件好既底衫+一件好既羽絨就已經夠哂!
由於帶住佢地兩個,今次旅程無食好野啦,餐餐都拉麵烏冬定食!不過唔緊要啦,因為去完東京我地會放低佢地兩個響香港再同一班朋友去北海道,到時再喪食都未遲!!

    全站熱搜

    obsiuna 發表在 痞客邦 留言(0) 人氣()