小娜執媽的部落格

都唔駛再講呢日做過咩啦，除左食。。。我地仲有咩做oY!

我相信我地去o既地方應該唔會響大家本閃令令o既高雄天書度出現啦，皆因全部都係local人先會去o既地方，完全台灣地道口味，o岩唔o岩我地香港人口味就見仁見智啦!不過大熱天時，坐響條街熱辣辣，食咩都覺得差D!

及後朋友仔又話食春卷，我又以為係類似炸春卷之類o既野，又原來係類似粉皮包椰菜，蝦仁，豬肉，花生碎等等o既野!!你自己選擇，佢地再幫你包! 食落有D甜又有D咸，有少少似我地既椰絲花生卷!

綠豆湯即係我地綠沙豆!我仲似埋薏仁湯(無錯係薏仁，孕婦忌服o個D)!!上次黎已經飲過，今次翻焯!!熱辣辣，一碗凍綠豆沙最正!!

當時Natto剛剛出緊兩隻牙仔

呢間肉圓又係翻焯!!其實肉圓係用粉皮包豬肉丸，睇落一D都唔吸引!!但加埋個肉汁+辣醬，我一連食左兩大個!!

熱到飛起三人組

台灣盛產水果，隨街都可以搵到水果店，專賣生果!! 外賣買走，堂食都有!!通常仲有刨冰賣! 一個水果盆大概百零蚊台幣，每樣生果都甜都漏!!

必食菠蘿+芒果

去台灣又點少得去夜市掃街!!又由於太熱太多人關係，我地都無咩胃口掃街!

呢碗大腸麵線係成個夜市我覺得最好味o既野

炒蒙古粉絲，自己夾料佢再幫你炒，都唔錯!

 
熱到傻笑o既Natto