小娜執媽的部落格

第二日我地約左日本Blog友仔一齊參觀響橫濱既麵包超人館!!! 我地帶左佢地去早餐飯堂松屋食牛肉飯!!哈哈~ 有去開日本既朋友仔都知道松屋極少女性幫襯，全店都係男性上班一族，個個著老西!我地一男一女加兩個細路仔真係好突出!!!不過醫肚最緊要啦!!

好奇既Natto 興奮地幫爸爸買車票

終於搭到佢最鐘意既火車啦!!(點解d 細路甘鐘意火車架呢?)

到達橫濱會合Blog友仔!

Natto知道我地會去探麵包超人，超期待!!

 會合Blog友仔後大家一齊去食個早lunch，甘就唔駛驚餓住個肚黎玩啦! 呢間唔通係爸爸開既餐廳??甘等陣我地唔比錢lu~

精緻既兒童餐,連餐具都有麵包超人架!

我既蛋包飯

爸爸既漢堡扒

到啦!!!今日係中日美交流!!

Kori 睇麵包超人表演幾入神

Play Time~~~~

估唔到Natto 敢sir 呢條甘高既滑梯!!佢平時好"謹慎"架嘛!!!

Kori 最初都驚驚地，但工作人員姐姐講左一大輪日文，勸掂左唔識日文既妹妹sir!!!

Happy mode~

玩足一日，小朋友肚仔餓啦!食個麵包超人包先!!

媽媽shopping時間

其實橫濱みなとみらい21 (橫濱港未來21)係一個海濱都市!呢度除左好近麵包超人館外，仲有好多商廈，商店，同食店，夠哂你行一日~

最後玩到六點幾我地就響橫濱みなとみらい21(minatomirai21) 附近食飯，由於太累，已經影唔到相啦!!但係今日大家都玩得好開心!!雖然Blog友仔既兩個小朋友講日文，Kori同Natto 都唔識聽，但係見佢地各自講自己既語言再用身體語言搭夠都可以好開心!! 証明遊戲就係小朋友既共同語言， 大家無分國藉!