小娜執媽的部落格

就係呢張相出事啦

o甘都比我地撞到TVB﹐真係抵上電視!!

返左悶蛋國幾日﹐頭兩日睡眠時間都算正常﹐不過Nato就變得極度痴身﹐可能慣左香港成日有人響佢左右!!以為自己無jetlag啦﹐點知三日後﹐五點幾就眼光光﹐今日仲要返工架!!!死伙!!

我原本以為7點幾呢D食飯位o既東張西望會無咩人睇到(香港唔係好遲先放工架咩)﹐但點知都係揚左!! 哈哈~今次北海道之旅o既上電視環節﹐真係完全多得我老公"貪圖美色"惹o既蝸!!

案發地點: 函館朝市

案發時間:晨o甘早八點幾(我唸住落街食個早餐﹐可想而知﹐我個樣完全無執)

案 發經過: 最後一日o既北海道之旅﹐我地梗係唔可以錯過去函館朝市食海鮮飯! 朝市唔算多人﹐都幾靜! 我地食完個海鮮飯﹐周圍行逛!! 前面見到一隊Crew響樹拍緊野﹐仲以為係日本電視台! 點知望望下﹐我首先見到李亞男﹐於是話比我老公知!! (出事啦!!!)佢話係wor﹐不如去同佢影相啦!! 我話唔好啦﹐人地拍緊野﹐會阻到人! 我老公此時已經拉緊我埋去李亞男度﹐問人可唔可以合照!! 李亞男都好nice﹐話可以﹐o甘我地就麻煩佢地crew其中一個人幫我地影合照!此時另一個crew友走埋黎問我地係咪香港人﹐我地話係!!(錯 哂!!﹐應該話係悶蛋國人架嘛) 於是呢個crew友就捉住我地話做訪問啦!!! 佢話你地合照左啦﹐要有代價既!!>
就係o甘!!!去日本旅行都可以上香港電視!!真係幸運之旅!!!

話時話﹐大家係認到我定NattoBaBa先架呢?