小娜執媽的部落格

相信好多準媽媽都有擔心過自己個B會唔會患上唐氐綜合症﹐其實而家醫學進步左﹐響懷孕o既早期已經可以驗出BB係咪唐氐B﹐雖然結果唔係100%肯定﹐但準確性已經去到90%!!

悶 蛋國呢度叫呢個test做Full Integrated Screening﹐而香港就俗稱oscar(one stop clinical assessment of risk) 相信都係大同小異o既野! 準媽媽響10-14週前抽一次血﹐之後11w2d到14w2d就去照頸皮(Nuchal translucency screening)!!一般OB醫生會refer媽媽去D專業照Ultrasound o既clinic度"照大機"﹐因為通常自己OB醫生診所裡面o個部ultrasound機已經好老爺o下!!

而照頸皮其實係睇下BB頸 後o既fluid有幾多﹐通常唐生B頸後就多水過正常b架!大家準媽媽唔駛太在意單一驗血或者照頸皮o既結果﹐因為要綜合三個Tests先至準架!同埋好 多媽媽驗到呀B頸皮唔合格就好擔心﹐其實唔同週數去驗個結果都可能有差別﹐千其唔好同人地其他媽媽比較令自己擔心多左呀!

到左15-20週就再抽多次血﹐o甘就完成左整個test啦! 醫生就會幾結果綜合起黎﹐結果通常係一個比數﹐例如1:200 ! 1:200 o既意思係你個B有200份一o既機會係唐氐B!醫生就會話你知你係高危定低危啦!

除 左驗唐氐﹐呢個test仲會驗埋其他基因病變﹐好似trisomy 18﹐ neural tube defects同埋SLOS( physical birth defects/mental retardation)!!透過照大機﹐醫生亦可以睇下BB有無其他嚴重o既病﹐好似無腦兒﹐脊柱裂等等!

響悶蛋國呢度o既新其士橙州﹐今年四月開始政府已經將驗唐氐B o既test列為例行產前驗查!以前政府只會比高危媽媽(高齡﹐有家族遺傳等等) 免費做哂三個tests﹐一般媽媽只會抽一次血驗唐氐﹐但係準確性只有80%!

萬 一唔好彩驗到係高危都唔一定代表BB一定係唐氐B﹐因為個test係九成準之嘛! o甘醫生可能會建議媽媽去抽羊水(Amniocentesis) 呢個test就百分百準啦! 過程係響個肚度拮支針入去子宮抽羊水去化驗!當然醫生會用ultrasound搵o岩位先拮落去啦!不過呢個test除左錯都有風險架﹐有少數機會會流產 或者發炎!

我老早就做哂三個tests啦﹐結果係低危!!而Natto當日亦十分合作比醫生照佢! 不過有時醫生睇唔清楚就會大力壓落個肚度或者勁搖我肚皮﹐攪到我有d痛!而Natto 亦好唔比面o甘只係"踢一踢﹐郁一郁"﹐ 一副懶得理你o既樣子!!

真係有性格!!