小娜執媽的部落格

連日睇新聞都講有關大陸媽媽落黎香港同本地媽媽爭床位同埋產科服務已經飽和o既消息,真係覺得私家醫院比錢蒙敝左病人同BB o既安全! 政府話想將出生名額定響八萬八,跟住就比私家醫院代表話會造成資源失配,令到D護士返工"嘆世界"??真係聽到都無名火起!!!

雖 然我唔係響香港做產科,但係都覺得有D人淨係見到個錢字,完全唔理人手不足,病人又多o既時候,BB同媽咪係可以好危險! 我地悶蛋國呢方面做得唔錯, 有哂法例講明產婦對護士o既Ratio! 響呢度,一個護士只可以照顧兩個準備生產o既媽媽,到要開始Pushing時,更加係一對一! 待產o既Ratio亦只不過係一對四! 呢個Ratio已經經常比呢邊o既護士工會話太多, 應該係一對一至o岩!我個人滿意而家o既比例, 雖然只係一對二,不過萬一兩個媽媽都有問題,BB又有事時, 一對二都做到踢哂腳! 我唔敢想像香港o既產科病人Ratio,淨係聽唔少助產士未執完一個仔又要去隔離床執另一個,護士更加係無假放,好多人跳曹去私家醫院等等~~ 我好希望o個D話護士嘆世界既所謂代表,做一日臨床先再講野!!

其實我好唔明點解香港政府要比港人響大陸o既太太黎香港生BB,然後順理 成章拎埋居留權? 而家香港都7百幾萬人,第日呢D港人子女個個落哂黎香港讀書,肯定到時唔止爭床位,連學位都要爭架啦!! 大陸教育真係o甘差咩?做香港人真係o甘好咩? 唉~而家D大陸同胞o甘有錢, 多多錢都比得起, 本地媽媽們點同佢地爭呀? 第日佢地分分鐘拎成箱銀紙落黎爭個學位, 真係登D香港媽媽慘呀!!

本來我都唸住比Natto返香港讀書,不過而家唸唸下,真係要三思!!

而 家響香港生仔,郁下都萬萬聲!!如果響政府生又驚服務差比姑娘鬧,又怕無麻醉師做無痛分娩,唔怪得而家D香港人個個都話唔生! 真係唔係人人負擔得起~~ 與其要比幾萬蚊拎張香港身份証,不如比幾萬蚊換個美國Passport好過啦! 其實黎悶蛋國生仔分分鐘平過響香港私家醫院生!