BB大得好快呀!!呢頂帽仔已經唔岩帶啦!!帶得一次o甘多jar!!!
我係咪好性感呀?
著左套H & M,個樣老積到好似人地歲幾兩歲o既小朋友o甘!
終於有時間寫成長日誌,太多野想寫,寫唔切啦!!
飲食方面:
由 五個半月開始,我開始比Natto試飲Formula,每日最尾o個餐!同時亦開始比糊仔佢食!最初都肯食,之後又死都唔肯食,直至我轉左第二隻牌子既奶 水,佢就無問題啦!食量由五至八安不等,好飄忽,心情好時可以一口氣食八安,有時食到四安幾又開始扭扭擰擰!! Baby Food方面,而家暫時試過蘋果+紅蘿蔔蓉都無過敏,唔抗拒都幾肯食!不過糊仔方面就麻麻地,次次食到一半都要tum先肯食埋佢,可能無咩味道所以唔多感 興趣! 到而家都只係每次食一湯匙!
我地已經買左Food Processor,等Natto試左唔同種類o既Baby Food又証實無敏感後就可以自己整新鮮o既Baby Food比佢食啦!!大家有無好食譜介紹o下?
媽媽奶仍然繼續,不過食多左Formula,我D媽媽奶量大減,而家一日有三餐食媽媽奶!! 可能Formula比較甜,Natto好似對我o既媽媽奶無o甘迷戀啦!貪新忘舊,哼!!
便便就由全人奶時o既一日一兩次變到兩至三日一次!!而家D屎臭左好多,我要閉氣先可以幫佢換片!!
活動能力方面:
仲 未識轉身,好鬼懶!!比佢反轉身一陣佢就嗌累,跟手個頭就扒響地下,唔起身!!不過就好鍾意抬起頭,好想起身! 而家比佢響Play-yard玩,佢可以由12點位自己轉下轉下到3點位! 有時自己玩玩下又會o訓著覺,呢樣我最Like,唔駛我抱著暗o訓!!仍然係好鬼鍾意企,一企就生猛哂!!
o訓覺方面:
完全可以一覺o訓天光,最勁試過由十二點訓到朝早八點!!叻叻!! 朝早如果我要返工,我要叫醒佢食奶tim!
性格方面:
開心B一個! 成日笑架,你望住佢,佢就會情深款款對你笑,好lum架!!不過只限屋企人,對陌生人要一段時間先warm up !
說話方面:
有時會講一大輪野,唔知佢講咩,好似維園呀伯o甘,大大聲好長氣! 最多野講o既時間係夜晚10點到12點!!我陀佢o既時候都係呢段時間踢得最勁!!係一名夜鬼B!!
知道菲菲存在啦,成日望住菲菲笑,又會伸手摸佢,不過有時太肉緊會扯菲菲D毛,攪到菲菲怒啤佢!!
皮膚方面:
自從用左醫生開o既頭泥洗頭水後,頭泥Bye Bye!!! 皮膚都算係o甘啦,無咩濕疹,係有時有少少濕疹響腳後同埋條頸,不過一搽少少葯膏第日就會散!
留言列表