小娜執媽的部落格

個樣淒涼到哩!!!

都唔係我媽媽o個個黎o既...............

我要媽媽奶呀!!

最美麗的畫面!!

當初餵人奶,幾經辛苦餵到今日五個幾月上哂軌道,我又方便Natto又食得高興!!而且餵Formula又係一大挑戰!!繼上次試餵失敗後,呢兩日我地全家更被Formula撤撤抵抵地打敗!!

我 o禽日返工,如常叫奶奶餵一餐Formula比Natto,再用Formula開糊仔比佢慢慢適應,其餘就用撙餵媽媽奶!! 但係唔知點解Natto完全抗拒食Formula,連樽仔媽媽奶都堅拒進食!!一見到個奶樽或湯匙就喊到豬頭o甘!!我奶奶話佢好辛苦先餵左3安 Formula!!全日我返工o既十三個鐘頭Natto只係食左三安奶+一湯匙糊仔!!!

我放工返屋企都試下餵樽,點知又係失敗,仲喊到鬼鍊o甘!!佢呀麻見到心都痛哂,即刻投抗叫我埋身!! 唉.....呢兩日Natto都唔知攪咩鬼,扭計多左,成日喊又半夜起身要食奶!! 我原本一直覺得我個仔好易湊架嘛,呢兩日差D要掟呀仔落街o甘濟!!(講笑je)

我 今日放假,繼續作戰Formula!!又係一見樽/匙即喊,點樣都唔食!!喊到收唔到聲,心痛到我哩!!打比我老公佢又幫我唔到,仲差D嘈交,人都顛 啦!!! 見到Natto唔肯食,喊到失聲,我都差D心軟埋身,不過一埋身佢以後就知道喊係有埋身奶食,o甘我就有排都介唔到媽媽奶!

放 低Natto落Play-yard ,自己走左落房透下氣,幾分鐘又上返去作戰!今次我用軟功,慢慢滴幾滴formula落佢咀仔,再比奶咀入去,佢初初都係唔食!又推又擰,佢一反抗我就拎 開個樽等佢唔反抗再試!!黃天不附有心人,佢終於肯啜啦,仲食左六安!!!真係謝天謝地感謝上帝!!!

原來我個仔同我一樣受軟唔受硬!!

做人父母真係少D耐性同EQ都唔掂,呢兩樣野我不嬲都無,而家終於要強行受訓啦!!

兩個鐘,六安奶,唔知幾多滴眼淚啦!!!

加油吧!!!小娜執媽!!