小娜執媽的部落格

Earth's Best Baby food 購自大型有機超級市場Wholefood蘋果蓉購自Mitsuwa market!!我地o甘鍾意忙日本野﹐又點會少得Natto份呢

"又係DHA?"Natto BaBa又暗示啦!!!DHA係咪真係有用??欠打!!

好幼細呀compare大人食o個d

買左好耐o既餐具﹐終於出場啦!!

現搾媽媽奶﹐夠哂新鮮!!!我叫我老公試下佢死人都唔制

開完出黎就係o甘稀啦

又未識坐又未買high chair﹐唯有擺Natto上餐台

Natto見我地有所動靜﹐即時眼啤啤

一路餵佢一路望住天花板盞燈﹐好似望天打掛

第一時間搶碗﹐對隻碗o既興趣仲大d

污咀豆

留住寶貴時刻

BB o既每個第一次對每對父母黎講都係precious moment! 第一次笑﹐第一次喊﹐第一次打針﹐ 第一次反身﹐第一次食糊仔。。。。每個第一次我都好珍惜﹐我同老公必定會盡量參與其中!

話o甘快Natto五個月一個禮拜啦﹐係時候比佢試食糊仔!! 佢已經比左"可以食固體身物"o既hints我地啦﹐例如頭仔已經有力﹐上身亦好硬淨﹐扶住可以坐﹐咀仔亦有擘下擘下等等.........

第 一次食媽媽奶以外o既食物﹐梗係巴之閉少少~媽媽買左organic cereal同埋一大堆organic baby food﹗﹗除左蘋果蓉同埋蕃薯蓉之外﹐全部都係我唔食既野﹗﹗無錯﹗﹗佢媽媽我係超級揀食o既衰女包﹗﹗豆婆婆話細個餵我食飯餵到怒火中燒﹐一餐起碼一 粒鐘!!所以我唔想Natto似我﹐我買哂青豆﹐紅蘿蔔等等我唔食o既野!!NattoBaBa又試探地暗示﹐其實Natto第日都無可能樣樣野食 organic架啦(示意唔駛買organic啦﹐因為貴d嘛!!) 我亦非常有禮貌地明示我知無可能咩都比organic 野Natto食﹐但我係點都會買organic架啦﹐因為Natto係我第一粒仔﹐係新屎坑係巴屎閉架啦!!嘩哈哈~~

我依照指示用4湯匙媽媽奶開一湯匙糊仔﹐ 開完後發覺點解o甘稀架﹐係咪開錯左? 我唸係因為BB第一次食固體食物﹐為左令佢地慢慢適應同埋唔會令腸胃突然做多好多野﹐所以稀d易消化d!!

而Natto都算合作﹐無撥開d糊仔﹐都食左起碼十幾啖﹐不過剩返大半碗媽媽奶糊仔﹐浪費了!!佢唔抗拒d糊仔但係又好似興趣不大o甘﹗﹗唔緊要啦話哂第一次﹐唔抗拒都已經唔錯啦﹗﹗下次等我開返杰d睇下會唔會好d!!

總括黎講:Natto第一次食糊仔:成功!!!