小娜執媽的部落格

件Columbia 雪褸﹐兩層衫﹐原價130美金﹐而家20攪掂!!!雖然size係2T﹐但係抵到要先買未來衫!!橙色o個件風褸﹐Natto BaBa 都買左一件可以父子裝啦!不過起碼要一年後

呢兩件Sprocket 衫合共10蚊雞?? 仲平過花園街!!!!!

H & M童裝﹐又少出血!

Le Creuset 20cm ($99USD即係$770港幣) 藍色襯返我地個廚房!

我老公對我用一百蚊美金買個煲仔好有保留﹐佢不斷話貴唔緊要﹐最緊要用!! 我打算打後十日餐餐都用呢個煲煮野食架啦!!!嘩哈哈~~

我響悶蛋國不嬲無咩購買慾﹐閒時都唔會專登走去行街買野﹐通常都會留返去旅行或返香港時買! 今日悶蛋國總統日公眾假期﹐鋪頭例牌on sales﹐我奶奶話Natto衫仔唔夠著﹐要入返d貨!!本來都唔太想﹐因為過多兩個幾月又返香港又去日本﹐想忍手留返d彈葯一次過出血﹐不過奶奶叫到 ﹐當去行下啦!!點知一行﹐又係一頸血!!

d野平到哩~唔買對唔住Natto同自己!!不過infant裝特價o既唔多﹐幾乎全部都買一歲兩歲o既衫仔!

我自己嘛?衫梗係忍到手啦﹐不過死左響廚具!!!女人仔﹐唔係死響袋仔﹐衫仔就係家庭用品!!